Abel Caballero avanzou este mércores que a nova Grada de Gol do estadio municipal de Balaídos, que conta cun investimento de 26 millóns de euros, estará terminada a principios de 2027. Iniciadas as obras o pasado mes de xaneiro, o próximo fito da construción terá lugar o vindeiro luns 24 de febreiro co inicio da retirada dos asentos.
O alcalde participou esta mañá nunha reunión na que o Ministerio de Transportes asegurou que en dous meses sairán a licitación, de forma conxunta, os estudos necesarios para a aprobación do estudo informativo e para a declaración de impacto ambiental do trazado.
A tenente de alcalde e delegada da Área de Cultura, Carmela Silva, acudiu á inauguración das xornadas que poñen de manifesto as relacións culturais entre Vigo e Portugal. O MARCO foi o escenario da xornada, “Diálogos abertos. Trazando liñas de bambú” onde se abordaron distintos eidos de conexión entre Galicia e Portugal con participantes técnicos e expertos culturais de Viana do Castelo, Vilanova de Cerveira, Porto e Lisboa.
O alcalde inaugurou este martes na Casa das Artes a mostra antolóxica “Silencio Roto” do pintor e restaurador Francisco Torrón . “A exposición, que permanecerá aberta ata o 20 de abril, combina unha forma excepcional de entender a pintura e a arte” e a continuidade da saga da familia Torrón co comisariado dirixido polo neto do artista, destacou Abel Caballero.
O alcalde anunciou hoxe a adxudicación do servizo de apoio técnico para a execución do Plan de Sostibilidade Turística en Bouzas, que contempla un investimento de 2 millóns de euros “para potenciar toda a zona e a afluencia turística”. Caballero explicou que se trata do “paso que nos quedaba por dar e xa está feito”.
O alcalde e a concelleira de Educación saudaron este martes, no salón de Plenos do Concello, as 49 alumnas e alumnos de sexto de Primaria do CEIP Seis do Nadal que participan no programa didáctico "Visita ou teu Concello". Abel Caballero explicou aos escolares o funcionamento da Casa Consistorial e a transcendencia das decisións municipais no desenvolvemento da cidade. O estudantado percorre as dependencias dos distintos servizos municipais para coñecer o seu funcionamento. O programa achega a actividade municipal a máis de 2.500 escolares da cidade.
O Concello abre a axenda do mes de marzo para realizar unha visita guiada ao Pazo da Raposeira, segundo anunciou hoxe o alcalde ao constatar o “éxito excepcional” da afluencia de visitantes ao histórico edificio desde a súa apertura este mes.
O Concello súmase mañá, 15 de febreiro, á conmemoración do Día Mundial contra o Cancro Infantil coa iluminación en dourado das fontes de Aragón e anima á cidadanía a participar no lazo solidario ás 9:45h na Gran Vía fronte ao Corte Inglés en colaboración con ASANOG. A xornada ten como obxectivo sensibilizar sobre a importancia dos desafíos aos que se enfrontan os nenos, adolescentes e as súas familias. Instarouse en Luxemburgo, en 2001, para concienciar á poboación sobre esta enfermidade, diagnosticar a tempo e ter tratamentos efectivos.
A Festa da Brincadeira de Bouzas crece. Este ano contará con 150 postos de gastronomía máis actividades culturais, e con máis espazo ao estenderse á contorna do adro da Igrexa e do paseo marítimo. “Estableceuse como unha das grandes festas de Vigo e de Galicia”, afirmou este venres o alcalde ao presentar o programa da “gran romaría” urbana que terá lugar a fin de semana do 9 ao 11 de maio.
O alcalde inaugurou este venres a exposición "Seis cabezas", do artista Alejandro Fortes, que permanecerá aberta na sede da Fundación Laxeiro ata o 18 de maio. A mostra, elaborada con residuos recollidos na rúa para ser transformados en arte, chama á reflexión "sobre a sociedade na que vivimos", apuntou Abel Caballero, ao animar á cidadanía a contemplar a mostra.