Vigo aporta máis da terceira parte das doazóns de órganos de Galicia

xoves, 22 mai 2008

O alcalde de Vigo, Abel Caballero, mantivo este xoves unha reunión con representantes da Asociación de Doantes e Receptores de Órganos de Vigo, ADROVI, onde acordaron celebrar o próximo 2 de xuño unha xornada de sensibilización para "agradecer" aos vigueses a súa "solidariedade" e mostralo "a Galicia e España". Vigo é a cidade de Galicia que conta con máis tarxetas de doantes.

O alcalde insta á Xunta a atallar os efectos da desaceleración económica no comercio

xoves, 15 mai 2008

Abel Caballero considera que o comercio é un dos sectores que máis acusa a ralentización económica, polo que solicitou da Xunta de Galicia a elaboración dun Plan específico que "focalice a súa atención" neste sector para paliar os efectos da desaceleración, en especial no pequeno comercio. <br /> O alcalde destacou o peso do comercio en Vigo na apertura dun novo supermercado na cidade.

O alcalde asegura que a lei autonómica do solo "ratifica" a política de vivenda do Goberno Local

mércores, 14 mai 2008

Abel Caballero valorou este mércores a nova Lei Autonómica do Solo, impulsada pola Consellaría de Política Territorial, que contempla para as grandes cidades unha reserva do solo do 40% para vivenda con algún tipo de protección. O alcalde afirma que, coa incorporación no novo Plan Xeral do 43% de VPO, Vigo está "á vangarda do urbanismo moderno en España".

Moneo podería encargarse da reordenación arquitectónica da Praza do Rei

xoves, 8 mai 2008

O Concello quere que Rafael Moneo, con quen xa se mantiveron contactos previos, sexa o encargado de reformar a Praza do Rei. O alcalde de Vigo, Abel Caballero, avanzou que o arquitecto mostrouse "moi interesado" e visitará Vigo "este mes" para estudar as posibilidades de mellora do edificio do Concello, a futura Biblioteca do Estado, a chegada desde A Falperra e o cruce de Venezuela con Camelias e a subida a O Castro.