Caballero apunta que o Festival Aéreo de Vigo é o "acto lúdico que congrega máis xente de toda Galicia"
O alcalde, Abel Caballero, e o director do Festival Aéreo Internacional de Vigo, Pablo González, presentaron este venres a décima edición do FAV, acto que nos últimos anos foi seguido por entre 300 e 400.000 persoas. Celebrarase o 22 de xullo en Samil, con presenza nacional e internacional, e actividades especiais polo décimo aniversario.
O alcalde de Vigo quixo ensalzar que, en periodo de crise, a mera celebración un ano máis do Festival Aéreo Internacional de Vigo "xa é un éxito" e felicitou á organización por mantelo durante unha década nos niveis de "brillantez" actuais.
Vigo recibirá o 22 de xullo a forzas aéreas procedentes de Bélxica, Italia e os Estados Unidos, ademais de patrullas civís e pilotos acrobáticos españois, franceses e italianos. Os dous F16 da delegación estadounidense terán na cidade olívica unha das súas escasas citas europeas e a forza belga recalará en Vigo por primeira vez, segundo apuntaron na rolda de prensa.
Polo aniversario, o FAV programa unha semana cultural coa participación de dúas bandas de música militares durante a semana previa ao evento, ademais da tradicional visita aos nenos hospitalizados a cargo de expilotos da Patrulla Águila. O sábado 21 de xullo, cara ao anoitecer, terá lugar no areal vigués adestramentos especiais con pirotécnia dos avións, un "espectáculo visual" -en verbas do organizador, Pablo González- case inédito pois só realizouse anteriormente nunha cidade belga.
González asegurou que, en 2012, buscouse traer á cidade un compendio do mellor que pasou por Vigo en edicións anteriores, entre os que citou á francesa Reva Team, á italiana Pioneer Team e ao piloto Lucas Salvadori, xuntos aos prestixiosos acrobáticos españois Jorge Macías e Ramón Alonso.
A participación total nesta edición do Festival Aéreo de Vigo sobrepasará os 30 pilotos e aproximarase ao medio centenar de avións, contando cos aparatos de substitución e apoio. "Costou moitísimo organizalo", asegurou o organizador, pola crise económica, tras o que agradeceu o apoio do Concello para "facelo realidade".
O alcalde de Vigo cifrou o patrocinio municipal ao Festival Aéreo Internacional de Vigo en 70.000 euros, unha cantidade similar á do pasado ano. Caballero si indicou unha salvedade no financiamento: do total, perdéronse os 50.000 euros que achegaba Caixanova ao evento, que agora sufraga Aqualia en virtude do convenio co Concello.
Descargar todas as imaxes
Vigo recibirá o 22 de xullo a forzas aéreas procedentes de Bélxica, Italia e os Estados Unidos, ademais de patrullas civís e pilotos acrobáticos españois, franceses e italianos. Os dous F16 da delegación estadounidense terán na cidade olívica unha das súas escasas citas europeas e a forza belga recalará en Vigo por primeira vez, segundo apuntaron na rolda de prensa.
Polo aniversario, o FAV programa unha semana cultural coa participación de dúas bandas de música militares durante a semana previa ao evento, ademais da tradicional visita aos nenos hospitalizados a cargo de expilotos da Patrulla Águila. O sábado 21 de xullo, cara ao anoitecer, terá lugar no areal vigués adestramentos especiais con pirotécnia dos avións, un "espectáculo visual" -en verbas do organizador, Pablo González- case inédito pois só realizouse anteriormente nunha cidade belga.
González asegurou que, en 2012, buscouse traer á cidade un compendio do mellor que pasou por Vigo en edicións anteriores, entre os que citou á francesa Reva Team, á italiana Pioneer Team e ao piloto Lucas Salvadori, xuntos aos prestixiosos acrobáticos españois Jorge Macías e Ramón Alonso.
A participación total nesta edición do Festival Aéreo de Vigo sobrepasará os 30 pilotos e aproximarase ao medio centenar de avións, contando cos aparatos de substitución e apoio. "Costou moitísimo organizalo", asegurou o organizador, pola crise económica, tras o que agradeceu o apoio do Concello para "facelo realidade".
O alcalde de Vigo cifrou o patrocinio municipal ao Festival Aéreo Internacional de Vigo en 70.000 euros, unha cantidade similar á do pasado ano. Caballero si indicou unha salvedade no financiamento: do total, perdéronse os 50.000 euros que achegaba Caixanova ao evento, que agora sufraga Aqualia en virtude do convenio co Concello.