Manel Fernández subliña que a Ría abre a tempada de traiñeiras coa Bandeira Concello de Vigo
A Bandeira Concello de Vigo de traiñeiras dispútase este sábado en augas do Vao (12:00), onde nove tripulacións pelexarán na primeira regata da tempada, dentro do novo formato da Liga Galega de Traiñeiras (LGT), que estrea dúas divisións, A e B. A bandeira viguesa, que cumpre vinte edicións, corresponde á primeira regata da División B e está dotada con 6.000 euros en premios.
O concelleiro de Deportes, Manel Fernández, presentou no Concello esta proba, que por segundo ano consecutivo celebrarase no Vao e que tamén por segundo verán seguido está organizada polo Club de Remo Coruxo. Para el, "a Ría é un lugar de referencia no mundo do remo e Vigo é un dos seus puntos centrais", explicou o edil socialista.
"Vai ser moi espectacular", sinalou o vicepresidente do club, Darío Fernández Méndez, que avanzou que "a marea vai estar alta ao comezo da proba (12:00 horas), o que obrigará aos patróns a estar moi finos para pasar debaixo da ponte", situación que darase en dúas oportunidades.
Será unha regata en liña con 5.556 metros e catro viradas fronte ás tres ciabogas habituais, pola disposición do campo de regatas, ante a praia, dando así "un punto de vista diferente ao espectador", comentou David Serodio, directivo da entidade. O concelleiro, ademais, sinalou que "con esta regata iníciase o calendario galego dun deporte tan ligado á nosa tradición mariñeira".
Perillo, Mecos Mondariz, Coruxo, Esteirana, Rianxo, Puebla, Cesantes, O Morrazo e Robaleira son as tripulacións participantes e aspirantes a lograr o ascenso á División A. A División B consta de 14 probas. En Vigo esta é a única. Logo hai un play-off (eliminatoria) o 25 e 26 de agosto para ascender.
Á rolda de prensa tamén asistiron dúas dos membros da traiñeira de Coruxo, David Fernández e Alejandro Fernández.
Descargar todas as imaxes
"Vai ser moi espectacular", sinalou o vicepresidente do club, Darío Fernández Méndez, que avanzou que "a marea vai estar alta ao comezo da proba (12:00 horas), o que obrigará aos patróns a estar moi finos para pasar debaixo da ponte", situación que darase en dúas oportunidades.
Será unha regata en liña con 5.556 metros e catro viradas fronte ás tres ciabogas habituais, pola disposición do campo de regatas, ante a praia, dando así "un punto de vista diferente ao espectador", comentou David Serodio, directivo da entidade. O concelleiro, ademais, sinalou que "con esta regata iníciase o calendario galego dun deporte tan ligado á nosa tradición mariñeira".
Perillo, Mecos Mondariz, Coruxo, Esteirana, Rianxo, Puebla, Cesantes, O Morrazo e Robaleira son as tripulacións participantes e aspirantes a lograr o ascenso á División A. A División B consta de 14 probas. En Vigo esta é a única. Logo hai un play-off (eliminatoria) o 25 e 26 de agosto para ascender.
Á rolda de prensa tamén asistiron dúas dos membros da traiñeira de Coruxo, David Fernández e Alejandro Fernández.