O alcalde de Vigo presidiu este mércores a inauguración dunha nova exposición de Mostrarte 2009, desta volta a cargo do pintor Rafael Alonso, que expón nos espazos da Alcaldía parte da súa obra. O consumado artista foi recoñecido internacionalmente polas súas acuarelas, unha técnica pictórica na que rompeu moldes, ainda que tamén traballou en óleos, ilustración ou o debuxo. <br />
Abel Caballero visitou co conselleiro de Infraestruturas, Agustín Hernández, os traballos de humanización que estanse a executar nas avenidas de Florida e Castrelos. Iniciadas polo anterior goberno autonómico e continuadas polo actual, estas melloras demostran para o alcalde que "os cambios de cor política non deben afectar aos bos proxectos" da cidade.
O alcalde de Vigo ofreceu hoxe martes unha recepción institucional a Ryszard Schnepf, embaixador en España de Polonia, como parte da ronda de visitas que está a realizar en Vigo e en Galicia. O embaixador, que mantivo tamén un encontro con empresarios vigueses, mostrou ao alcalde o seu interese en entablar relacións comerciais entre ambos territorios.
Abel Caballero visitou este luns os traballos de mellora que estanse a realizar na rúa Toledo, finalizados nun 70%, que estará finalizada "a mediados ou finais de outubro". O investimento ascende a 650.000 euros nunha obra que emprega a 19 persoas, cinco delas procedentes das listas viguesas do desemprego, segundo indicou o alcalde. <br />
Abel Caballero visitou este venres os traballos de mellora de Urzáiz; case 3,5 millóns de euros para "unha das grandes humanizacións" da cidade que vai con adianto e estará rematada a mediados de outubro, segundo explicou o alcalde. A rúa terá dobre dirección para o tráfico, "moitos árbores e moito verde" con xardineiras en todo o tramo.
Abel Caballero acudiu hoxe venres ao Parque de Castrelos, onde a Cruz Vermella realiza durante esta semana obradoiros de verán para nenos e nenas, un "campamento de gran éxito" -reúne a uns 50 rapaces cada día- que levou ao alcalde a anunciar un convenio coa entidade para desenvolvelo nos próximos anos.
Abel Caballero acudiu este xoves a visitar a terceira fase da humanización de Sanjurjo Badía, con "case 2 millóns de euros" de investimento. O alcalde fixo balance das inversións en Teis do mandato actual; 12 millóns en humanizacións, rexeración do barrio con fondos europeos conseguidos, e o paseo en construcción da Guía.
Abel Caballero recibiu este mércores ás dotacións policiais que actuaron no incendio acontecido en Jenaro de la Fuente do pasado sábado, e que non rexistrou danos persoais. O alcalde felicitou á Policía Local e Nacional "no nome da cidade" e adiantou asemade que "entre mañá e pasado" recibirá o informe sobre que mida a regularidade o acopio de materias nas obras do Concello.
Abel Caballero visitou este mércores os traballos de humanización de Baiona e Redondela, que suman 2,7 millóns de euros de investimento. As melloras en Coia ampliarán as beirarrúas e manterán o doble sentido de circulación e os aparcamentos, mentres que o alcalde anunciou que estuda fórmulas para ampliar as plazas en Coia ante a elevada demanda.
O alcalde visitou este martes os traballos de humanización do entorno de Castrelos, que comprende as Avdas de Balaídos e Portanet e a rúa Val Miñor, xa rematada. Estas, xunto coa mellora en marcha na Avda de Castrelos, suman seis millóns de euros nunha zona "que non tiña melloras desde fai anos".