venres, 8 mai 2009
Abel Caballero garantiu que o próximo curso, ante un posible incremento da demanda pola crise, o Concello dotará de "todos os fondos precisos para atender todas as becas" para comedores escolares, "sen límite de cantidade", explicou. O alcalde avanzou asemade que 10 centros precisan da ampliación do seu comedor, polo que solicitará á Xunta de Galicia que acometa as reformas para o próximo curso.
venres, 8 mai 2009
O alcalde e a Federación Olívica de Asociación de Nais e Pais De Alumnos e Alumnas de Vigo rubricaron hoxe venres un convenio para a organización de actividades extraescolares e a xestión das subvencións municipais para os comedores escolares. O acordo de colaboración está dotado con 226.000 euros.
xoves, 7 mai 2009
Abel Caballero, acompañado por varios dos seus concelleiros, visitaron hoxe xoves os traballos de humanización do entorno do mercado de Bouzas, que rematarán o vindeiro mes, onde comprobou que "os veciños están moi satisfeitos" coas melloras realizadas e en execución. Se mellorará a entrada ao mercado e acordouse o pintado da fachada. <br />
xoves, 7 mai 2009
Abel Caballero e Roberto Sabrido mostráronse de acordo no traslado do Laboratorio ao espazo reservado ao efecto na Cidade do Mar e "máis pronto que tarde" poderán reubicar a sede, "con todos os medios, con investigadores e relacionado coa Universidade", explicou o alcalde. O laboratorio, "de rango europeo", establece metodoloxías das investigacións de toxinas dos moluscos.
mércores, 6 mai 2009
O protocolo de actuación do Concello de Vigo asegura que "practicamente a totalidade das árbores das zonas de humanización foron transplantadas", indicou Abel Caballero, pola "especial atención" do goberno local coas mesmas. Así, unha vez humanizadas, as rúas en obras contarán con 2.500 exemplares, polos 1.000 da actualidade.
martes, 5 mai 2009
O Boletín Oficial do Estado ven de publicar este martes a orde pola que, nun prazo non superior a dous meses, a oficina do Rexistro Mercantil en Vigo entrará en funcionamento. O alcalde ofreceu colaboración municipal para a súa posta en marcha e salientou o "compromiso cumprido" do Rexistro e do Xulgado, habilitado antes de finalizar 2009.
martes, 5 mai 2009
Coa presenza de varias decenas de persoas, e representantes políticos da Corporación Municipal, este martes inaugurouse unha nova mostra de arte sita nas dependencias da Alcaldía polos próximos dous meses, desta volta a cargo do pintor da parroquia viguesa de Matamá, Antón Abreu Bastos.
luns, 4 mai 2009
O alcalde mantivo este luns sendos encontros co presidente da Federación Provincial de Comercio, Antonio Reguera, e coa presidenta da Federación de Comercio de Vigo, Encarna Álvarez, para pasar revisión á situación do sector na cidade. O alcalde mostrou a "cooperación absoluta" do Concello para minimizar as molestias das obras.
luns, 4 mai 2009
A cidade de Vigo volveu a arroupar unha vez máis un evento de importancia internacional. En máis de 400.000 persoas estima a organización as visitas recibidas durante os catro días oficiais, ó Village Alberto Durán.As 11,30 do domingo 3 de maio, soltaba amarras o Kruzensthern, navío da Armada rusa, que durante estes días se convertíu nun dos veleiros máis admirados polos visitantes. A continuación, os franceses Belle Poulo e Etoile, os que seguiron Tecla, Urania, Spirit of Bermuda,e o resto da flota de Tall Ships, para realizar un primeiro tramo ata A Guía, virar dous balizas de paso, que dexiaron polo seu costado de babor, e que estaban situadas nun canal de seguridade fondeado a primera hora da mañá.
xoves, 30 abr 2009
Abel Caballero informou este xoves da aprobación europea do proxecto municipal de rexeneración urbana de Teis, dotado con 5 millóns de euros para 2009 e 2010. Melloraranse rúas e viais; instalaranse pantallas vexetais para aislar a autopista e o tren, e unha pasarela ecolóxica no borde litoral; recuperaranse praias, elementos tradicionais e a antiga fábrica de conservas Garavilla.