martes, 14 feb 2017
A sétima edición da feira galega do vehículo clásico e de época abrirá as súas portas o venres 17 no Ifevi. Ao longo de 17.000 m2, contará con 80 expositores e 200 vehículos de exposición. Este ano réndese unha homenaxe especial a Ferrari polo seu 70 aniversario.
luns, 13 feb 2017
Reunido hoxe luns cos organizadores, o alcalde comprometeu o respaldo municipal ao proxecto, unha regata que refaría no 2021 parte da ruta Traslatio, partindo de Nápoles para finalizar en Vigo. "Que Vigo fora o final desta experiencia sería altamente conveniente para unha cidade tan mariña e tan marítima", concluíu.
xoves, 9 feb 2017
Abel Caballero mantivo esta mañá un encontro con Jose Espartero, responsable de marketing de Ryanair para España e Portugal, no que destacaron o magnífico nivel de operatividade da compañía, así como a alta ocupación dos voos. Tamén deron conta do inicio, a finais do mes que vén, das novas conexións con Edimburgo e Milán ao tempo que se retoman as de Dublín e Boloña. O rexedor aproveitou para reiterarlle o seu interese porque a compañía opere a conexión con Madrid desde Vigo.
martes, 7 feb 2017
Tras a reunión do alcalde de Vigo e presidente da FEMP coa vicepresidenta do Goberno e o Ministro de Facenda, o Goberno comprometeuse a crear dous grupos de traballo para abordar o teito de gasto e o financiamento local que requiren o desenvolvemento dunha lei que permita investir o superávit aos municipios.
venres, 3 feb 2017
O alcalde nomeará ao xornalista Ceferino de Blas como novo cronista oficial da cidade, en substitución do falecido Lalo Vázquez Gil. A traxectoria deste profesional, que traballou en varios medios de comunicación, está moi vinculada a Vigo, na actualidade, a través do Instituto de Estudios Vigueses.
mércores, 1 feb 2017
No encontro, que se celebrará o vindeiro luns en Madrid, o alcalde de Vigo e presidente da FEMP propoñerá ao Goberno a necesidade "urxente" de desenvolver o modelo de financiamento municipal, en paralelo co modelo autonómico, para resolver os problemas dos Concellos neste 2017, entre eles, o uso do superávit.
venres, 27 xan 2017
Abel Caballero ratificou hoxe que Vigo é unha cidade segura durante a toma de posesión do novo xefe da Policía Nacional, Manuel Teijeiro Sande, nun acto no que puxo en valor a función deste corpo de seguridade así como a cooperación absoluta do Concello coa súa labor na cidade.
xoves, 26 xan 2017
Abel Caballero asegurou esta mañá que estamos no momento de consolidar o proxecto político que se está a desenvolver en Vigo,", un proxecto colectivo, de vertebración social, que estamos a trasladar tamén ao resto de España. Así o dixo durante a súa participación nun almorzo no Círculo de Empresarios de Galicia no que estivo acompañado pola presidenta da Deputación de Pontevedra, Carmela Silva, e pola ex ministra de Pesca, Elena Espinosa, ademais dunha nutrida representación empresarial e social da área de Vigo.
martes, 17 xan 2017
Caballero acompañou a un grupo de escolares do colexio San José de A Guía que e esta mañá visitaron as instalacións de Aqualia. Durante o percorrido, o rexedor trasladoulles aos alumnos que a auga de Vigo é de gran calidade e barata.
venres, 13 xan 2017
Despois dunha entrevista celebrada este venres, Abel Caballero informou que a dirección do Salón propón incrementar o espazo expositivo na edición 2017, "o que significará axuda adicional do Concello, porque para nós o Salón do Automóbil en Vigo, a cidade do automóbil, é absolutamente prioritario".