O alcalde pon en valor a cooperación institucional para a mobilización dos fondos europeos
O Auditorio Mar de Vigo acolleu este venres o II Foro Industrial de Fondos Europeos de Recuperación organizado por Asime coa participación de entidades, institucións e empresas abordando as estratexias da industria para a mobilización dos fondos europeos. No encontro, que contou coa intervención telemática da vicepresidenta primeira e ministra de Economía, Nadia Calviño, Abel Caballero eloxiou a capacidade demostrada por Asime no sector e avanzou que o Goberno de España traballa na inclusión de Stellantis nos proxectos da industria do automóbil. Amais, destacou a importancia da “cooperación total” para desenvolver os proxectos de dixitalización, dos Pertes, das accións nos sectores produtivos que se enmarcan nos fondos de recuperación.
