“Que todo o mundo se prepare para ver as luces máis bonitas, máis fermosas e extraordinarias que viu nunca” avanza o rexedor que ofreceu detalles este mércores sobre as medidas de autoprotección previstas para o acto de prendido da iluminación.
O alcalde de Vigo e a súa homóloga na Coruña solicitan “un financiamento adecuado” para levar adiante a acción dos gobernos locais. Ambos os mandatarios lamentaron que a Xunta de Galicia apenas proporcione fondos: “O Goberno de España proporciona fondos para as nosas cidades por valor duns 80 millóns; da Xunta recibimos 5 millóns”, declarou o primeiro edil vigués.
Abel Caballero supervisou este martes a instalación da estrutura, que ten unha plataforma de 10,5 metros de diámetro, e que conforma unha das atraccións clásicas do Nadal de Vigo. Situado na Porta do Sol, o carrusel cuberto ten dous pisos superpostos xiratorios, con cabalos e góndolas, nos que irán sentadas as nenas e nenos para gozar da experiencia. Amais, Caballero achegouse ata a árbore de Policarpo Sanz onde están rematando os traballos de montaxe.
A Xerencia de Urbanismo aprobou inicialmente este martes o proxecto de expropiación por taxación conxunta para a execución do “Proxecto de construción de beirarrúa con carril bici na marxe dereita da Avenida de Europa”, que ten un importe de case 835.000 euros.
O alcalde invita á Xunta de Galicia a sumarse ao PERTE do Vehículo Eléctrico e Conectado como fan outros gobernos autonómicos.
O alcalde e presidente da FEMP participou este martes no I Encontro Anual de Municipios pola Tolerancia celebrado na sede da FEMP, coa presenza do ministro da Presidencia, Relacións coas Cortes e Memoria Democrática, Félix Bolaños.
Cando xa se fala de financiamento autonómico, Caballero insiste en restar ás CCAA “recursos que teñen que vir ás Entidades Locais para financiar competencias que estamos a asumir porque non as asumen as Comunidades”.
Abel Caballero recibiu á atleta Aintzane Dapena antes de marchar ao Mundial de Ximnasia de Trampolín que celébrase en Bakú do 18 ao 21 de novembro. O rexedor fixo entrega da bandeira da cidade á ximnasta viguesa que competirá por primeira vez nun Mundial na categoría de dobre minitramp. Dapena é a primeira do Club Sieiro que compite na Copa do Mundo coa selección española sénior. En Azerbaiyán conquistou o bronce júnior no Europeo de 2018.
O monarca participou este venres na presentación dos novos vehículos comerciais lixeiros eléctricos que se fabrican na planta de Balaídos e onde tivo a oportunidade de poñerse ao volante dun dos modelos. O rexedor acompañou ao Rei durante a visita polas instalacións da factoría de automóbiles, na que tamén participou a ministra de Traballo, Yolanda Díaz.
Abel Caballero acudiu á montaxe do castelo luminoso en Policarpo Sanz. O novo icono do Nadal de Vigo ten unhas medidas de 6x7x6,7 e lucirá na céntrica rúa no percorrido sinalado para atopar todos os elementos que terá a cidade este ano. A estrutura e o ferrollo están lacados en ouro, o metacrilato ten dous colores e terá altos efectos decorativos durante o día. Ademais, os cordón brancos ten matices cálidos e fríos.