venres, 24 xul 2020
O número de agosto da publicación leva na súa portada unha imaxe da praia de Nosa Señora das Illas Cíes, baixo o titular “Galicia, unha viaxe pola súa costa máis espectacular”. Abel Caballero amosou o seu orgullo e apuntou que isto supón que a revista “volve facerlle un recoñecemento ás Illas CÍes e a Vigo”, e por iso “as queremos Patrimonio da Humanidade porque The Guardian ou National Geographic, ámbitos especializados e de alto valor científico saben do valor das Illas Cíes”.
venres, 24 xul 2020
Abel Caballero visitou este venres o segundo campus que se desenvolve no pavillón municipal das Travesas onde un centenar de nenas e nenos desenvolveron ao longo da última semana actividades deportivas de diferentes disciplinas. O rexedor felicitounos polo éxito da experiencia e recalcou a importancia de que se realizase sen incidencias coas normas de seguridade da nova normalidade. Lembrou tamén que o Concello oferta este verán 3.000 prazas nos campamentos infantís e outras actividades didácticas e de ocio.
venres, 24 xul 2020
Nun acto celebrado no Concello, Abel Caballero entregoulle a medalla ao atleta vigués que, acompañado da súa familia máis próxima, dixo sentirse honrado de recibir este galardón.
xoves, 23 xul 2020
O Concello conmemora na tarde deste xoves o Día de Galicia nos xardíns do Pazo de Castrelos, acto que poderá seguirse na web do Concello dadas as limitacións de aforo polo Covid-19. Xunto ao discurso do alcalde, o pregón correrá a cargo do xurista Cándido Conde Pumpido e a orquestra Vigo 430 interpretará, entre outras, unha peza do compositor Ennio Morricone, recentemente falecido.
mércores, 22 xul 2020
Abel Caballero valorou a acordo da Unión Europea polo que España recibirá 140.000 millóns dos que a metade serán a fondo perdido destacando que Vigo optará a axudas comunitarias. Amais, salientou o compromiso do Goberno de España coa Biblioteca do Estado de Vigo.
luns, 20 xul 2020
O alcalde de Vigo fixo este luns un chamamento a toda a cidadanía para que cumpra coa normativa de uso da máscara debido á pandemia do Covid-19. “Imos ser inflexibles no seu cumprimento, é a vida da xente, hai que ter moita prudencia”, sinalou antes de apuntar que durante a fin de semana houbo dez denuncias da Policía Local a persoas que non respectaban as medidas sanitarias.
luns, 20 xul 2020
Un centenar de nenas e nenos, en grupos de 15, asisten este días ao “Verán Mariñeiro” de Bouzas dentro do programa municipal Verán Xove que, xunto ás actividades no MARCO, no Museo Liste e os campamentos do Verbum suman 3.000 prazas na cidade.
venres, 17 xul 2020
Unha Directiva da Unión Europea indica a necesidade de establecer un sistema de tarifas por consumo real e como primeiro paso é necesario facer unha consulta pública na que a cidadanía aporte suxestións. Unha vez rematada a consulta, o Concello elaborará a nova normativa e a tarifa para que estea terminada no último trimestre do ano.
xoves, 16 xul 2020
O presidente da FEMP, en representación de tódolos gobernos locais de España sumouse ao recordo ás persoas falecidas, ás súas familias e aos colectivos que traballaron en tódolos ámbitos durante a crise sanitaria.
martes, 14 xul 2020
O alcalde informou este martes de que a urbe vén de recibir o distintivo “Family Friendly 2020” na categoría de destino urbano, como un dos favoritos en España para pasar as vacacións en familia
