Abel Caballero avanzou -en relación á proposta remitida hoxe polo Ministerio de Facenda - que “é imprescindible que algunhas decisións se tomen de maneira inmediata”. A Xunta de Voceiros da FEMP plantexou esta mañá que o fondo de transportes, que non aparece contemplado na proposta, se incorpore ao decreto ou, en calquera caso, que se habilite para ser usado este ano.
O Pleno Municipal aprobou este mércores cos votos do grupo municipal do PSOE o acordo subscrito entre a Federación Española de Municipios e Provincias (FEMP) e o Goberno de España para utilizar integramente os recursos que equivalen aos remanentes líquidos de Tesourería. O alcalde asegurou que Vigo recibirá 128 millóns de euros, 40 a fondo perdido.
A Xerencia de Urbanismo iniciará a partir da vindeira semana a todos os colectivos cidadáns para presentarlles o borrador do Plan Xeral de Ordenación Municipal (PXOM). O alcalde lembrou que o Concello xa enviou o documento á Xunta de Galicia para a súa Avaliación Estratéxica Ambiental.
Abel Caballero anunciou este luns o envío dunha carta coas cuestións pendentes da Xunta coa cidade, un escrito con máis de corenta puntos en boa parte coincidentes co remitido hai un ano. O rexedor, que asegurou que Núñez Feijóo “equivocouse seriamente” nos últimos anos, tendeulle a man e recordoulle que “en todo o que propuxo en positivo en Vigo, sempre me tivo do seu lado”.
A FEMP e os ministerios de Sanidade e Política Territorial celebrarán encontros frecuentes para articular a acción coordinada en saúde pública. O acordo, adoptado esta mañá nunha reunión de traballo dos tres equipos, puxo de relevo o papel local durante toda os meses de pandemia e a importancia da colaboración interadministrativa na aplicación e seguimento das medidas fronte á pandemia.
O Concello de Vigo sacará a licitación de forma inmediata a humanización da rúa Taboada Leal, entre Rúa Don Bosco e Venezuela, despois de que a Xunta de Goberno Local aprobase o proxecto. A obra sairá a concurso cun prezo de 565.000 euros e o prazo de execución é de sete meses.
Un ano máis, o Concello rendeu homenaxe aos ex alcaldes de Vigo e Lavadores, Emilio Martínez Garrido e José Antela Conde, respectivamente, fusilados polo alzamento do fascismo en agosto de 1936. Nos Xardíns da Memoria Histórica de Pereiró tamén se lembrou a memoria doutros demócratas asasinados como os deputados Antonio Bilbatúa ou Enrique Heraclio Botana, entre outros.
A Xunta de Goberno Local do Concello de Vigo aprobou este xoves a modificación da ordenanza da auga para cobrar a taxa en base ao consumo de cada usuario. O alcalde explicou que comeza o proceso para permitir que as novas tarifas entren en vigor a partir do vindeiro mes de xaneiro.
Abel Caballero presidiu este martes a reunión co seu consello asesor persoal creado o pasado mes de abril para analizar a evolución da pandemia do Covid-19 na cidade. Segundo explicou o alcalde, as xuntanzas levaranse a cabo de forma periódica.
Abel Caballero visitou este luns o novo elevador do Parque Camilo José Cela, posto en marcha o pasado 30 de xuño. O ascensor, construído con fondos FEDER dentro da estratexia Vigo Vertical-EDUSI, contou cun investimento de 2,8 millóns de euros e a obra tamén incluíu a mellora do parque.