martes, 19 mar 2024
Abel Caballero recibiu este martes, no Salón de Plenos do Concello de Vigo, ao alumnado do Colexio Mariano que participaron no programa didáctico "Vigo o teu Concello". O rexedor explicou aos escolares que as decisións que adopta o goberno e a corporación municipal inciden directamente nun número importante de ámbitos da vida da cidadanía. O alumnado percorreu as dependencias das principais instalacións municipais, como a Sala de Control do Tráfico.
martes, 19 mar 2024
Caballero deu conta dos datos do uso do ascensor e as pasarelas do HALO no seu primeiro mes en funcionamento, cunha media de 5.517 persoas ao día. Así, 160.000 persoas achegáronse á obra que abriu ao público o pasado 16 de febreiro, una estrutura que alberga un ascensor e sirve para unir a zona do Areal con Vialia e Vía Norte. Amais, o alcalde destacou que tamén durante o primeiro mes se puxo en marcha o xogo de luces da estrutura “para pregoar efemérides como o Día Internacional da Muller”, cando o HALO se tinguiu de color lila.
martes, 19 mar 2024
Representantes do Corpo Nacional de Policía e do Hospital Povisa recollerán, o próximo martes 26 de marzo, as dúas Medallas de Ouro da Cidade acordadas este ano polo Concello no acto da entrega das distincións con motivo da Festa da Reconquista. O primeiro reitor da Universidade de Vigo e actual Valedor do Cidadán, Luis Espada Recarey, será o encargado de ler o bando municipal, segundo anunciou este martes Abel Caballero. O alcalde apuntou que as entidades educativas e deportivas da cidade serán protagonistas dos galardóns de Viguesas e Vigueses Distinguidos.
martes, 19 mar 2024
Abel Caballero presentou este martes na Casa das Artes xunto ao alcalde de Ribeira, Luis Pérez Barral a exposición “Colmeiro Punta Seca", unha mostra froito da colaboración co museo da localidade ribeirense. “Trátase dunha exposición excepcional”, afirmou o alcalde.
luns, 18 mar 2024
O Concello e a Universidade de Vigo renovan o programa de colaboración que implica á área de Zooloxía do departamento de Ecoloxía e Bioloxía Animal, segundo anunciou este luns o alcalde.
venres, 15 mar 2024
Abel Caballero mantivo un encontro este venres con estudantado e profesorado de bacharelato do IES Politécnico de Vigo que están realizando un intercambio dentro do programa Erasmus+ co centro alemán Wolfgang-Borchert Gymnasium, de Halstenbek en Hamburgo, e co centro VIII Liceum Ogólnokształcące de Poznan, en Polonia. O rexedor trasladoulles a historia da cidade, a importancia da súa actividade portuaria e industrial e desexoulles unha feliz estadía en Vigo.
venres, 15 mar 2024
Abel Caballero colocou este venres, cos concelleiros María José Caride e Javier Pardo, a primeira pedra das obras de construción do ascensor que conectará Romil e Hispanidade, e anunciou a urbanización do tramo entre as rúas Amor Ruibal e Feliciano Rolán. o proxecto ten un orzamento de 1.271.209 euros, un total de 945.528 proceden do Goberno de España a través de Fondos Next Generation UE polo proxecto de implantación de “Zonas de Baixas Emisións e Transformación Dixital e Sostible do Transporte Urbano”.
venres, 15 mar 2024
A Xunta de Goberno aprobou hoxe a renovación por catro anos do convenio marco coa Diocese de Tui-Vigo. Así o anunciou este venres Abel Caballero, tras explicar que, co acordo, a administración municipal contribúe a conservar e restaurar os bens mobles e inmobles de titularidade eclesiástica, “que son parte do patrimonio histórico de Vigo”, e a promover accións para fomentar o coñecemento do patrimonio cultural.
xoves, 14 mar 2024
Os 5 sendeiros azuis, recoñecidos cunha bandeira pola Asociación de Educación Ambiental e do Consumidor, destacan a Vigo como a cidade española que conta co maior número de distintivos. Así o destacou este xoves o alcalde ao remarcar o aumento do espazos naturais recuperados co recoñecemento obtido este ano pola Senda de Ribeira polo Río Lagares. “Son 41 quilómetros recuperados para gozar coas bandeiras azuis da natureza e coa bandeira do medioambiente pola recuperación ambiental”, destacou o rexedor.
xoves, 14 mar 2024
O alcalde presentou este xoves a nova edición do certame que organiza o Concello a través da Vigo Film Office. As persoas interesadas deben enviar as súas creacións, baseadas na Reconquista, cunha duración máxima de 90 segundos.
