luns, 23 nov 2020
Vixente por tres anos, o convenio marco rubricado este luns posibilita a conservación, restauración e divulgación dos bens eclesiásticos na cidade. O Concello achegará ao efecto un máximo de 175.000 euros no ano 2021, segundo informou Abel Caballero.
venres, 20 nov 2020
Abel Caballero compareceu este venres na Comisión de Reactivación Económica, Social e Cultural de Galicia, celebrada no Parlamento autonómico, onde o rexedor avogou pola “unión de todos os actores, pola coordinación institucional e a lealdade” para loitar contra a pandemia.
martes, 17 nov 2020
O alcalde esixe ao goberno autonómico que faga o instituto e lémbralle que se trata da zona de Galicia con maior poboación xove e que o Concello pon o terreo a disposición da Xunta. “Feijóo anunciou hoxe algo que vai tardar anos en facerse, pero cando leve gobernando 16 anos non terá feita ningunha vivenda en Navia”, sinalou.
martes, 17 nov 2020
No marco do foro internacional AutoMob sobre o futuro do automóbil, o alcalde apostou por arraigar no territorio o proceso tecnolóxico, coordinando sector público e privado, e da man do financiamento da Unión Europea. Caballero defendeu o máis de medio século de experiencia de Vigo como aval para o éxito dos retos inmediatos do coche eléctrico, autónomo e conectado.
luns, 16 nov 2020
Abel Caballero celebrou os 2.500 millóns de euros de fondos europeos que se van adicar a afrontar o reto demográfico, tal e como se anunciou no transcurso da Comisión Nacional de Administración Local desta mañá. Desde a FEMP, tamén valorou positivamente a asignación de 230 millóns para inversións en modernización nas Entidades Locais, por parte do Ministerio de Política Territorial.
xoves, 12 nov 2020
Para Abel Caballero, a elección aporta “esperanza” á actual situación marcada pola pandemia, polo que aplaudiu as “alianzas” do sector público e privado en favor do “progreso” na economía e na industria do automóbil. A Zona Franca acolleu este xoves a presentación do primeiro vehículo transformado por Dangel en España.
mércores, 11 nov 2020
Abel Caballero considera “estratéxico” conseguir a instalación dunha factoría de baterías na área de Vigo, como “garantía de competitividade e pervivencia” do sector do automóbil. O rexedor mantén este mércores unha entrevista co vicepresidente de Relacións interinstitucionais da Comisión Europea, Maros Sefcovic.
martes, 10 nov 2020
O alcalde de Vigo achegouse esta mañá á muralla do Castro, unha vez rematadas as obras de rehabilitación que se viñeron facendo nos últimos meses en colaboración co Ministerio de Transportes, que aportou o 75% do investimento. Ás 19,30h deste martes ten lugar a inauguración de toda a nova iluminación do conxunto da fortaleza.
martes, 10 nov 2020
Abel Caballero mantivo unha reunión co secretario xeral de Infraestruturas do Ministerio de Transportes, Sergio Vázquez, quen comunicou a previsión do Goberno de España de licitar a comezos do próximo ano o estudo de alternativas á saída sur ferroviaria, para conectar Vigo con Portugal en Alta Velocidade de pasaxeiros e mercadorías.
luns, 9 nov 2020
O paseo de Bouzas, dous tramos das ramplas de Gran Vía, a última fase da humanización de García Barbón, a Ronda de don Bosco ou a ampliación do Ifevi son as obras que a Xunta ten paralizadas en Vigo nestes momentos. Estes proxectos suporían unha inxección económica na cidade de case 16 millóns en obra pública.