O alcalde de Vigo visitou este venres o novo edificio da Tesourería da Seguridade Social, situado na Avenida de García Barbón, onde hai anos estaba A Metalúrxica. Nesta nova sede traballarán uns 210 funcionarios que atenderán a preto de 75.000 persoas ao ano.
O alcalde presentou esta mañá as grandes cifras do orzamento para 2021 que alcanza os 264 millóns aos que hai que sumar as inversións previstas pola Deputación na cidade. Trátase, dixo, dunha cifra récord para “mobilizar a economía” nun ano que se prevé “moi difícil”.
O alcalde avanzou este martes os investimentos que recolle o Orzamento Municipal para o vindeiro ano de 25,8 millóns de euros, que se suman ao investimento previsto cos remanentes de case 36 millóns de euros e aos que cómpre sumarlle o investimento doutras institucións na cidade. Entre as partidas máis destacadas figuran as humanizacións (10,6 millóns), o Estadio de Balaídos (6 millóns de euros), 2,3 millóns do programa DUSI ou máis de 1,5 millóns para Política Social.
O alcalde deu conta este xoves dos proxectos municipais en marcha para mobilizar estes recursos cos que asegura que “estamos facendo historia da cidade cun proceso de modernización que nunca antes tivo Vigo”.
Os Orzamentos Xerais do Estado para 2021 recollen as demandas da cidade respecto do AVE, ao incluír avances na variante de Cerdedo e na saída sur, cun estudo relativo á conexión Vigo-fronteira portuguesa en alta velocidade para pasaxeiros e mercadorías. Para Caballero, son unhas contas “enormemente satisfactorias” que, ademais, recuperan proxectos como a Biblioteca do Estado.
Abel Caballero mantivo esta mañá un encontro cos titulares de Sanidade e de Política Territorial do Goberno de España para consensuar criterios de prevención a nivel local nesta segunda onda da pandemia.
O alcalde e presidente da FEMP subliñou que “os Gobernos Locais somos a mostra da cohesión territorial” e fixo unha valoración “moi positiva” da decisión do Goberno de España de incluír á Federación na Conferencia de Presidentes.
Abel Caballero reuniuse este venres con Douglas Prothero, director executivo de Ritz Carlton YachtCollection, a quen lle trasladou o apoio municipal no proceso de cambio de dirección no estaleiro Barreras.
A Conferencia de Presidentes convocada polo xefe do executivo, Pedro Sánchez, coa presenza de Ursula van der Leyen, celebrarase este luns 26 de outubro ás 10:00 horas por medios telemáticos. Caballero participará en representación de “máis de 8.100 alcaldes e alcaldesas que gobernan sobre 47 millóns de persoas”.
O rexedor participou este xoves na inauguración do congreso internacional Maritime Trends Summit, que organiza Asime para abordar co sector a situación actual e as perspectiva de futuro, no que apuntou que é imprescindible que o naval de Vigo presente un proxecto para concorrer aos fondos europeos de reconstrución económica.