Abel Caballero informou este mércores do envío dunha carta ao presidente da Xunta de Galicia na que lle solicita unha entrevista para abordar as cuestións de interese para o desenvolvemento de Vigo.
Abel Caballero e a delegada da Área de Cultura, Carmela Silva, participaron hoxe na inauguración da mostra sobre Luísa Villalta, organizada pola Fundación Penzol na Casa Galega da Cultura, para mostrar a vida e a obra da autora deste ano no Día das Letras Galegas. O alcalde destacou a figura da escritora, ensaísta, filóloga e violinista, e a importancia de ser unha das poucas mulleres homenaxeadas na celebración do 17 de maio.
Realizará unha concentración na cidade entre o 15 e o 26 de xuño, disputando o Torneo Cidade de Vigo fronte a China e a Turquía no pavillón das Travesas.
O auditorio de Castrelos acollerá, a partir das 11 da mañá do vindeiro domingo 26 de maio, o acto organizado para conmemorar o Bicentenario da Policía Nacional. As exhibicións dos medios cos que este corpo das forzas de seguridade desenvolve o seu traballo cotiá, que vertebran o programa, foron presentadas este martes polo alcalde de Vigo, Abel Caballero, a alcaldesa de Redondela, Digna Rivas, e co comisario xefe da Comisaría de Vigo-Redondela, Ramiro Gómez.
O goberno municipal de Vigo aprobou na Xunta de Goberno do luns a concesión das últimas becas de libros ata alcanzar os preto de 5 millóns de euros en axudas ás familias, así como a prórroga para os dous próximos anos do programa “Visita o teu Concello”, e a licitación da iniciativa coeducativa “Camiña con nós pola igualdade”.
O alcalde acudiu á inauguración da Feira Internacional Navalia que converte á cidade de Vigo no epicentro do sector naval coa chegada de empresas e comerciais de máis de 75 países. Abel Caballero comprometeu seguir no apoio a esta actividade produtiva a través do PERTE que está a desenvolver o Goberno de España cos fondos europeos Next Generation EU. "Somos empresa, economía, emprego e produción... É o noso ADN". Amais, o rexedor afirmou que "a Xunta ten a man tendida para todo aquilo que sexa cooperación, son alcalde de Vigo, débome á cidade e o mellor é marchar na senda da construción". Caballero relatou que o naval "é o corazón de Vigo", onde comezou o proceso industrial na cidade. Deste xeito, pola súa historia e importancia ao día de hoxe, louvou á directiva de Navalia por seguir adiante coa feira e amosar ao resto de mundo que Vigo ten unha gran industria.
Estudantes do Colexio Montesol protagonizaron hoxe a última visita aos escenarios da Reconquista de Vigo do dominio das tropas napoleónicas, incluída nas actividades didácticas organizadas polo Concello dentro do programa "A máquina do tempo". Abel Caballero transmitiulles a mensaxe, compartida cos 1.200 escolares de quinto e sexto de primaria, que participaron na iniciativa municipal sobre a importancia de coñecer a historia de Vigo e de forma especial da Reconquista da cidade.
Abel Caballero anunciou este luns a adxudicación, por preto de dous millóns de euros en dúas anualidades, do mantemento, conservación e vixilancia dos colexios públicos de Vigo, garantindo que o cento por cento dos centros contarán con estes servizos .
Abel Caballero explicou hoxe a 25 alumnos de quinto de primaria do Colexio Jesuitinas-Miralba, que participan no programa municipal “Coñece ou teu Concello”, a importancia do traballo que desenvolve o Concello en múltiples aspectos da actividade cotiá de toda a cidadanía de Vigo, así como con programas que afecta directamente aos estudianes como as bolsas de libros ou de inglés . “Quero que veais como é o concello e como traballamos”, indicou o rexedor.
O alcalde animou hoxe aos alumnos do colexio A nosa Señora da Esperanza a coñecer a historia de Vigo, especialmente dos episodios vividos en 1809 durante a Reconquista da cidade do dominio das tropas napoleónicas. Os estudantes percorreron, co soldado francés Pierre da Pierre, os principais escenarios onde se desenvolveu a xesta dos vigueses co programa municipal “A Máquina do Tempo-Reconquista 2024” . Un total de 23 colexios de Vigo, e máis de 1.200 estudantes, participan na iniciativa didáctica.