venres, 4 out 2024
O novo túnel de acceso desde a autoestrada AP9 ao edificio de Vialia, que facilita o acceso ao aparcamento da estación “sen ter que entrar no corazón da cidade” e eludindo a entrada a Vigo, “vai aliviar o tráfico e evitaranos problemas”, explicou este venres Abel Caballero. O alcalde acudiu ao simulacro de seguridade do túnel coordinado polo 112, Garda Civil, Policía Nacional, Policía Local e Bombeiros. As previsións indican a apertura da nova conexión en novembro.
xoves, 3 out 2024
O Concello concedeu ao Centro Superior de Investigacións Científicas, CSIC, a primeira licenza para iniciar a derriba dun conxunto de edificios das antigas instalacións da Escola de Transmisións e Electricidade da Armada en Teis, como paso previo á construción do novo edificio do Instituto de Investigacións Mariñas que estará integrado na “Cidade do Mar”.
xoves, 3 out 2024
O rexedor vigués destacou que “o incendio danou practicamente toda a instalación”, polo que se trata “dunha piscina nova”.
xoves, 3 out 2024
Abel Caballero recolleu este xoves, na celebración do "Día da Policía", a placa concedida ao Concello en recoñecemento á continua colaboración coa Comisaría de Policía Nacional de Vigo-Redondela. No acto participaron o subdelegado do Goberno en Pontevedra, Abel Losada, e o delegado do Estado no Consorcio da Zona Franca, David Regades.
xoves, 3 out 2024
As dependencias municipais acolleron esta mañá unha reunión entre o alcalde da cidade e unha delegación de representantes da provincia arxentina de Chubut, composta polo presidente da Cámara Patagónica de Industrias Pesqueiras, Agustín de la Fuente, e o presidente da Administración Portuaria de Puerto Madryn, Diego Pérez. Esta delegación acode a Vigo con motivo da celebración de Conxemar, aproveitando para conversar con Abel Caballero sobre a importancia da cidade como referente do sector pesqueiro español. A delegación de Chubut, foi fundada fai 40 anos, na actualidade representan a 16 empresas asociadas que empregan a 4.000 persoas de xeito directo, logrando que o ano pasado representasen un 22,2% do total das exportacións pesqueiras do país austral.
mércores, 2 out 2024
O alcalde achegouse este mércores ata Praza Compostela para interesarse polos labores de retirada do Dinoseto que será trasladado ao viveiro do Castro para a súa recuperación. Alí os técnicos reconstruirano integramente, unha tarefa laboriosa que requirirá de certo tempo. “Estamos ante o revival do Dinoseto", dixo Caballero, que avanzou que este símbolo da cidade terá unha nova localización.
mércores, 2 out 2024
Abel Caballero reiterou este mércores a aposta do Concello de Vigo pola “potenciación total” da Feira de Conxemar ante o “risco e a ameaza” que representa a Sea Food Expo Global de Barcelona, así como por afianzar coa ampliación do IFEVI a senda “imparable” da feira no mundo.
martes, 1 out 2024
Abel Caballero dirixiuse este martes aos representantes das empresas dos 46 países que participan na 25 edición de Conxemar para expresar o seu compromiso coa continuidade da cita internacional en Vigo polo peso e significado do sector na economía e na sociedade. Ante o ministro de Pesca reclamou “un gran apoio” desde a Unión Europa para ás actividades pesqueira e acuícola.
luns, 30 set 2024
Abel Caballero recibiu ao embaixador de da República Arxentina, Roberto Bosch Estévez, que visita estes días a cidade. Bosch asinou no libro de sinaturas do Concello. Ambos os mandatarios puxeron de manifesto os azos entre o país suramericano e a cidade de Vigo.
luns, 30 set 2024
Abel Caballero deu a benvida aos asistentes ao Congreso FAO - Conxemar, que este ano centrará as súas conferencias no informe SOFIA, un documento completo do sector pesqueiro que se actualiza cada dous anos. O alcalde louvou o peixe e produtos do mar como materia prima para unha alimentación saudable. En canto á produción, Caballero manifestou a importancia da ciencia para guiar as política do sector. "Ecoloxismo baseado na ciencia", incidiu na súa intervención. Na inauguración tamén interviron o presidente de Conxemar, Eloy García; Audun Lem, director adxunto de pesca e acuicultura da FAO; e o conselleiro do Mar, Alfonso Villares.
