A Casa da Xuventude acolle ata o venres a exposición fotográfica "22.000 kilómetros por Australia"
A sala de exposicións da Casa da Xuventude acolle ata o vindeiro venres, 6 de novembro, a exposición de fotografías "22.000 kilómetros por Australia", de Alfonso Durán. A mostra pode visitarse nas instalacións da rúa López Mora de luns a venres en horario de 9 a 14 horas e de 17 a 20 horas .
A exposición amosa a viaxe que o fotógrafo Alfonso Durán realizou por Australia, nun territorio no que segundo o autor "a aparente nada transfórmase na absoluta totalidade, rodeada de arte, arte ao natural".