A Corporación Municipal de Vigo aprobará, no Pleno extraordinario convocado para mañá mércores, a ampliación do orzamento do Concello en 10.917.31 euros aos que hai que sumar 4.742.387 da Xerencia de Urbanismo.
O Goberno municipal obtivo as 12 bandeiras azuis solicitadas para os areais da cidade. Abel Caballero tamén valorou que Vigo rexistrase “un nivel de ocupación hoteleira extraordinario no mes de abril, situándose no 68,88%”.
Indala; Marta Vidal- Augurio; Maryland- Volver a nacer e Cuerdas Atlánticas son os grupos e artistas seleccionados para actuar fronte ao Pazo de Castrelos os domingos de xullo. “O ano pasado foi un éxito e volvemos repetir a experiencia con catro novos concertos para poñer en valor a música e o Pazo”, manifestou o alcalde.
A 16ª edición do Concerto das Letras Galegas do Consello da Cultura Galega celebrarase este ano en Vigo, lugar de nacemento, formación e primeiros pasos profesionais de Begoña Caamaño, homenaxeada de 2026. A presidenta do CCG, Rosario Álvarez, e o alcalde de Vigo, Abel Caballero, xunto coa intérprete encargada da proposta musical, Uxía; Bea Caamaño, irmá de Begoña; e Alejo Amoedo, membro da Comisión Executiva, presentaron en rolda de prensa o programa desta cita, que “será unha festa musical con moitas sorpresas”, na que se mestura a tradición galega con sonoridades atlánticas e lusófonas. O concerto, de entrada libre e gratuíta, terá lugar no Auditorio Mar de Vigo o 16 de maio (20:30 horas) e poderá seguirse en directo a través da web do CCG e na Televisión de Galicia, no marco da programación do Día das Letras Galegas.
Alumnado e profesorado do CPR O Castro San Miguel e dos Ceip San Miguel e San Miguel II desenvolveron este martes na Praza da Independencia unha campaña de sobre a hixiene das mans a través dunha comparsa para concienciar á cidadanía sobre este hábito que prevén a propagación de enfermidades. Abel Caballero felicitou a iniciativa dos centros educativos e animou a tódalas persoas presentes a “non ter preguiza” e “lavar sempre as mans para evitar o contaxio de virus”.
O alcalde recibiu este martes ao presidente e a dous xogadores do club Escola Rosalía de Vigo, primeiro equipo vigués que xoga nesta categoría da Liga Nacional de Bádminton, cuxa final se disputará no Polideportivo municipal de Valadares.
O Concello súmase este martes, 5 de maio, á conmemoración do Día Mundial da Hipertensión Pulmonar, unha enfermidade crónica, grave e pouco frecuente que afecta aos vasos sanguíneos dos pulmóns, nunha xornada que busca visibilizar os síntomas e mellorar o diagnóstico temperán e o acceso a tratamentos. Tamén se conmemora este 5 de maio o Día Mundial da Enfermidade de Huntington para facer visible esta doenza neurodexenerativa hereditaria, a miúdo invisible, e apoiar as familias afectadas