A primeira fase da humanización da rúa Camelias comezará en quince días, cun orzamento de preto de 700.000 euros, entre o tramo de Praza Independencia ata a rúa Ourense. O custo da actuación total da rúa ascende a 6,5 millóns de euros e está financiada a cargo do Plan de Investimentos de Aqualia.
O alcalde inaugurou este venres Galiexpo Motor Show 2013, o salón referencial do motor que abre hoxe, e ata o domingo, as súas portas no IFEVI con actividades para todos os públicos: animación musical, competición, tuning, recinto infantil e incluso unha pasarela de novos deseñadores galegos. As entradas, a cinco euros.
A Xerencia de Urbanismo modificou o uso dotacional da parcela na que se sitúa o Parque de Bombeiros de Teis o que facilitará a construcción de novas intalacións. Así o avanzou o rexedor, quen engadiu que existe xa consignada unha partida de 800.000 euros.
A Fundación Barrié de Vigo acollerá unha exposición para conmemorar o 150 aniversario da publicación en Vigo de "Cantares Gallegos". O Concello financia de xeito importante esta mostra, ademais de ceder unha obra do Museo Quiñones de León e imaxes do Arquivo Pacheco.
Tras a Xunta de Goberno Local, o alcalde informou da decisión de crear en Navia a maior horta urbana impulsada polo Concello ata o momento, 4.000 metros cadrados en Navia que darán servizo a unhas 200 persoas, aproximadamente. Navia únese ás xa existentes en Fontáns, Pedro Alvarado e Camelias.
O alcalde de Vigo acudiu este venres ao Museo Verbum, en Samil, onde 150 escolares de sexto de Primaria, procedentes de catro centros públicos, coñeceron a historia da Reconquista de Vigo coa exposición disposta polo Concello. Ao longo de abril serán 1.400 os alumnos que visitarán a actividade.
A Concellería de Emprego, Participacion Cidadá e Voluntariado programa cursos gratuitos de iniciación á informática e internet, nivel 0 e 1 e de Correo Electrónico, no Centro Municipal de Emprego sito na rúa Oporto nº1.
Ponse en coñecemento do público en xeral que por mor da obra de RECRECIDO DE TAPAS NA RUA ROMIL, a realizar pola empresa Ute Conservacion Vigo (Civis Global- Construcciones Crespo S.A.) , estará pechada ao tráfico a rúa ROMIL, treito entre Camelias e Cachamuíña, con acceso exclusivo para garaxes, dende o DOMINGO 14/04/2013 ás 08:00 horas e por un período aproximado dun día.