xoves, 24 novembro 2011

O alcalde subliña o "compromiso político" cumprido coa finalización do túnel do AVE de Vigo

Abel Caballero, xunto co Secretario Xeral de Infraestruturas do Ministerio de Fomento, asistiu este xoves á chegada da primeira tuneladora ao centro de Vigo, completando os 8,2 quilómetros de percorrido desde Redondela. "Hoxe Vigo ve a luz ao final do túnel", aseverou o alcalde, tras máis de dous anos e medio de traballos, pois "hoxe conclúe simbólicamente" a chegada do AVE á cidade.

O rexedor participa nunha concentración silenciosa en memoria das vítimas de accidentes do tráfico

xoves, 24 nov 2011

Acompañado por máis de 200 alumnos de 4º da ESO do IES O Castro, Abel Caballero, participou hoxe nun acto conmemorativo das persoas que perderon a vida nas estradas galegas no que vai de ano. Esta é unha das iniciativas que a Policía Local e a ONG Stop Accidentes poñen en marcha con motivo do Día Mundial en Recordo das Vítimas de Tráfico. A pesares de que desde 2003, o número de falecidos diminúe progresivamente, en España 2.000 persoas perderon a vida en accidentes de circulación, mentras que esta cifra é de máis de 200 en Galicia. No caso de Vigo, no que vai de ano, as vítimas se sitúan en 3, seis menos que no 2010 e dous menos que no 2009.