martes, 22 novembro 2011

O alcalde anuncia que o emprego suporá o 10% da valoración nas adxudicacións de obra pública municipal

Abel Caballero informou este martes desta "gran novidade" introducida polo goberno local recentemente nas condicións para adxudicar obras municipais ás empresas. O emprego -número e continuidade dos traballadores, contratación de persoal...- terá ata 10 puntos de valoración sobre 100, algo que acontece por primeira vez. O alcalde informou ás empresas construtoras deste requisito nunha reunión pública coa presenza dunhas 70 persoas.

Abel Caballero avanza que o xoves remata a construción do túnel do AVE

martes, 22 nov 2011

Despois de manter unha conversa telefónica co director de Infraestruturas Ferroviarias do Ministerio de Fomento, o alcalde anunciou que o próximo xoves a primeira das dúas tuneladoras -a Miñoca- completará o seu traballo coa chegada á boca de saída das mesmas. En 15 ou 20 días rematará o túnel a segunda, a Lebre. "Simbólicamente podemos dicir que o AVE xa está en Vigo", afirmou Caballero.

Caballero compromete colaboración municipal para o concerto polo trixésimo aniversario de Siniestro Total

martes, 22 nov 2011

O alcalde de Vigo recibiu este martes ao líder, Julián Hernández, da histórica banda viguesa que a finais deste ano cumprirá trinta anos de traxectoria musical. Abel Caballero eloxiou o papel de Siniestro Total como embaixadores da cidade no exterior e tamén o seu rol na cultura en Galicia e España, polo que "desde Vigo temos que rendirlles unha homenaxe", que terá lugar posiblemente a comezos do mes de xaneiro.