luns, 21 novembro 2011

O alcalde asegura que Vigo gañará 80,8 millóns coa prórroga da concesión da auga, sen incrementar a tarifa

O goberno local aprobou este luns a prórroga de cinco anos da concesión do servizo de auga, un acordo polo que a empresa Aqualia investirá 34,2 millóns en proxectos e na expropiación dos terreos da nova depuradora, o que fai posible que o Concello de Vigo deixe de pagar os 45 millóns de euros do IVE. "É unha prórroga extraordinariamente convinte para esta cidade", apuntou Abel Caballero, quen explicou que se manteñen as tarifas como están.

O alcalde se reúne coa Asociación Deportiva de Catamaráns de Galicia

luns, 21 nov 2011

Abel Caballero comprometéuse hoxe a estudar posibles ubicacións para albergar durante o inverno as naves da Asociación Deportiva de Catamaráns de Galicia aos que recibiu esta mañá. Durante o encontro, os responsables deportivos plantexaron tres posibles ubicacacións no Vao, en Alcabre e Teis e o alcalde transmitiulles o convinte que é "ter un espazo para practicar vela lixeira, aprender e competir".

No museo "Quiñones de León" e ata o nadal<br /> Un percorrido polo Vigo da Idade Media, as cantigas, trobadores e xograres

"O SON DAS ONDAS", unha exposición sobre o Vigo medieval e a lírica trobadoresca<br />

luns, 21 nov 2011

O Museo Municipal "Quiñones de León" remata a mediados do próximo mes de decembro a exposición temporal "O Son das Ondas" que ven de ser amosada dende o pasado mes de maio e que foi organizada polo museo municipal, producida por Editorial Galaxia e Merlín Comunicación e comisariada por Henrique Monteagudo.