mércores, 6 outubro 2010

O alcalde anuncia humanizacións por valor de 7,2 millóns en rúas como Couto San Honorato, Ramón Nieto e Aragón

A Xunta de Goberno Local celebrada este mércores deu o seu visto bo aos pregos para licitar obras de humanización en Vázquez Varela, Oporto, Cangas, Mestre Montes, Couto San Honorato, Martínez Garrido, Aragón, Asturias, Salvaterra e Ramón Nieto, por un importe superior aos 7 millóns. Caballero informou que os traballos, a iniciar a comezos de xaneiro, alongaranse entre 3 e 4 meses e defendeu a "urxencia" de reformar "viais urbanos de máxima importancia na cidade de Vigo".

1286367479acopovi.JPG
1286379427piscina.JPG

Santi Domínguez anuncia que o complexo deportivo "Máis que auga" de Coia-Florida abrirá na última semana de outubro

mércores, 6 out 2010

O tenente de alcalde, Santi Domínguez, anunciou hoxe que o novo complexo deportivo "Máis que auga" de Coia-Florida entrará en servizo na última semana de outubro. O nacionalista destacou este mércores nunha visita ás instalacións que xa máis de 7.000 persoas amosaron o seu interese por algunha das actividades que terán lugar neste centro ubicado na Praza da Tellada (nas inmediación da Praza da Miñoca) e no de Barreiro.

1286367591017.jpg

Caballero invita á cidadanía viguesa a participar nos actos de Doa polo Día Mundial da Saúde Mental

mércores, 6 out 2010

O próximo día 10 de outubro conmemórase o Día Mundial da Saúde Mental e o alcalde invitou publicamente á cidadanía viguesa a sumarse as actividades programadas pola asociación Doa para a data. Segundo os datos da propia entidade, un 9% dos españois padecen algún tipo de trastorno mental. O Concello de Vigo continuará na "cooperación permanente" coa asociación e súmase á conmemoración da xornada, apuntou Caballero.

1286379459Sinsal.JPG

Xesus López salienta o vangardismo do Sinsal, que pecha o ano con Carter, Parker e Ughi no Auditorio Municipal

mércores, 6 out 2010

O concelleiro de Cultura, Xesus López, salientou hoxe que o festival Sinsal ten unha "programación de risco e vangardista" que nesta última parte do ano incorpora o Auditorio Municipal e a sala Mondo aos seus escenarios habituais. O seguinte concerto do festival será o vindeiro 18 de outubro ás 21 horas na sala Mondo, onde actuarán Masters Musicians of Bukkake e Future Islands.

12863661351276771763santos.jpg

Santos Héctor inaugurou a II Xornada "Imos Traballar" da CIG, co lema "Ferramentas para o emprego: formación e información"

mércores, 6 out 2010

O Centro Cultural Caixanova acolleu na mañá deste mércores a II Xornada Divulgativa da CIG dentro do proxecto "Imos Traballar", inaugurada polo concelleiro de Promoción Económica e Emprego e polo secretario comarcal do devandito sindicato, Serafín Otero. A xornada está dirixida a persoal técnico de emprego, persoas desempregadas e empresas vinculadas á atención aos maiores e aos servizos á comunidade co obxectivo de apostar pola formación como vía de inserción laboral.

O tenente de alcalde salienta a importancia de "promoción da cidade" que supón a celebración da Copa Asobal en Vigo

mércores, 6 out 2010

O tenente de alcalde, Santi Domínguez, en resposta aos medios sobre a celebración en Vigo da Copa Asobal, manifestou que "non é unha sorpresa" que Asobal se fixara en Vigo para celebrar a Copa, que terá lugar os días 18 e 19 de setembro. O nacionalista asegurou que vai ser un acontecemento moi importante a nivel deportivo "pero tamén de promoción da cidade".