A Xunta de Goberno Local aprobou a redacción do cambio da superficie dos dous aparcamentos, que pasarán a contar con granito nas beirarrúas en lugar do terrazo que estaba previsto. O alcalde asegurou que modifícase os materiais para homoxeneizar as zonas coas humanizacións, pois "todos os cidadáns de Vigo son de primeira".
Fuxan os Ventos regresa ao auditorio de Castrelos, 21 anos despois da súa última actuación, co espectáculo "Terra de soños", no que presentan actualizada a discografía de sempre do grupo. Así o explicaron na presentación do concerto, que terá lugar o mércores 12 (23:00 horas) no auditorio de Castrelos, o concelleiro de Cultura, Xesus López, e Tereixa Novo, unha das integrantes do grupo.
A concelleira de Medioambiente, Chus Lago, presentou este martes unha iniciativa do seu departamento que invita á cidadanía a observar con catro astrónomos as Bágoas de San Lorenzo na noite do próximo mércores na praia da Fonte. Xunto aos expertos, o departamento habilitará catro telescopios.
O alcalde, Abel Caballero, e o presidente da Federación, Balbino Moreira, asinaron este luns o convenio, polo que o Concello destina 15.000 euros a apoiar o financiamento dos gastos de xestión e organización das actividades previstas, principalmente de carácter deportivo, cultural e recreativo.