Abel Caballero explicou que lanzarán as enquisas en once zonas de Vigo con vivendas sen garaxe para coñecer se "hai demanda certa" de aparcamentos. Se os servizos xurídicos avalan a proposta, a intención municipal é vender ás prazas aos residentes -non en concesión- a precio de custo e "con especulación cero".
Abel Caballero acudiu este xoves a visitar os traballos de mellora das rúas Estrada, Marín, Redondela e Baiona, humanizacións que suman un investimento superior aos seis millóns de euros e que ademais suporán un incremento do número de prazas de aparcamento na zona, segundo explicou o alcalde.
Dado o gran éxito acadado polo programa de visitas teatralizadas ao museo de Castrelos "Misterio no museo", o concelleiro de Patrimonio Histórico, Eudosio Álvarez, anunciou este xoves que no mes de setembro reanudarase esta iniciativa. "Estamos a traballar para que toda a cidadanía poida disfrutar desta proposta e queremos que o programa teña continuidade no vindeiro ano", salientou o concelleiro nacionalista.
Abel Caballero completou este xoves a parte viguesa do Camiño de Santiago cos peregrinos europeos do proxecto Stellae que partiron desde Portugal como reivindicación da ruta que percorre a costa pontevedresa. O alcalde salientou a "idea brillante" de tratar o camiño que pasa por Vigo como un "ámbito de unión da nova Europa".