O alcalde de Vigo plantexou á Xunta de Galicia que aporte o 60% e o Concello achegaría o 40% restante dos 20 millóns a tres anos que custaría mellorar os centros educativos públicos da cidade -competencia exclusiva da administración autonómica-. Ademais, Abel Caballero asegurou a ampliación de oito comedores escolares xa saturados.
O Arquivo Pacheco edita a obra "Marca de luz" tres semanas despois de que a súa apertura ao público fóra unha realidade, segundo salientou este venres o tenente de alcalde, Santi Domínguez, na súa presentación, na que tamén participou o concelleiro de Cultura, Xesus López, o actual director do arquivo, Vítor Vaqueiro, e o director anterior, Lois Cea. Trátase dun volume de retratos integrado por máis de 300 fotografías, que sae cunha tirada de 1.000 exemplares e que poderá adquirirse a un "prezo popular" de 22.50 euros na Casa das Artes, nos museos Verbum e Quiñones de León.
Abel Caballero visitou este venres os obradoiros de verán que estanse a celebrar en distintos centros cívicos da cidade. No transcurso da súa visita ao de Coruxo, o alcalde asegurou que estudarán a posibilidade de levalos a toda a cidade e incluso que os colexios poidan acoller estas actividades, que gozan dunha ampla demanda.