O Pleno da Corporación Municipal de Vigo ratificou hoxe luns a normativa contra o botellón, que entrará en vigor 15 días despois da súa publicación no Boletín Oficial da Provincia. A ordenanza procura "facer de Vigo un modelo de convivencia e calidade de vida" e o goberno vigués xa avanzou que a aplicación da norma iniciarase na rúa Joaquín Loriga.
Cos votos a favor do goberno local e a oposición do grupo municipal Popular, a Corporación aprobou hoxe luns o texto modificado segundo a orde da Xunta de Galicia que valida o 1% do PXOM que resta por aprobar pola Consellería de Política Territorial.
O tenente de alcalde, Santi Domínguez, sinalou este luns que a exposición "Reconquista: 1809-2009", aberta no Museo Municipal Quiñones de León dende o pasado 6 de marzo ata onte, 29 de marzo, recibiu un total de 4.842 visitantes. Segundo Santi Domínguez, a mostra é xa a exposición máis visitada de todas as programadas na historia do Museo de Castrelos.