O Concello investirá preto de 150.000 euros na reparación dos destrozos causados polo temporal en Matamá
O alcalde, Abel Caballero, visitou este martes as obras de reposición do muro que sustentaba a rúa Canteiros, en Matamá. Os destrozos causados polo temporal do 11 de xaneiro estarán reparados en cinco semanas, mediante traballos cun orzamento de preto de 150.000 euros.
Á altura do número 11 da rúa Canteiros, parte da parede, na súa caída, arrastrou consigo unha marquesiña de autobús, a varanda de protección e parte do vial, o que tivo como consecuencia o corte dun carril de circulación.
A Área de Servizos Xerais do Concello de Vigo, dirixida pola concelleira Isaura Abelairas, investirá 146.000 euros no arranxo dos desperfectos. Dun xeito detallado, as obras de reposición contemplan o desvío do cano de abastecemento de auga, a demolición e traslado do resto do muro, a construción do novo muro de formigón de 35 metros e 5,5 de altura, a construción da nova beirarrúa e a reposición do firme da parte do vial afectada e da sinalización.
O Concello considera imprescindible a celeridade no arranxo da zona afectada, para maior benestar dos veciños, co que as obras rematarán no prazo de execución máis curto posible, que é de cinco semanas.
Descargar todas as imaxes
A Área de Servizos Xerais do Concello de Vigo, dirixida pola concelleira Isaura Abelairas, investirá 146.000 euros no arranxo dos desperfectos. Dun xeito detallado, as obras de reposición contemplan o desvío do cano de abastecemento de auga, a demolición e traslado do resto do muro, a construción do novo muro de formigón de 35 metros e 5,5 de altura, a construción da nova beirarrúa e a reposición do firme da parte do vial afectada e da sinalización.
O Concello considera imprescindible a celeridade no arranxo da zona afectada, para maior benestar dos veciños, co que as obras rematarán no prazo de execución máis curto posible, que é de cinco semanas.