Vigo contará co primeiro Centro de Emerxencia Social profesionalizado de Galicia antes do remate de 2008
A concelleira de Benestar Social, María Méndez, anunciou este luns que Vigo contará cun Centro de Emerxencia Social (albergue municipal) "totalmente profesionalizado" ao longo deste ano 2008. A concelleira asegurou que conta co compromiso do vicepresidente da Xunta, Anxo Quintana, para pór en marcha na cidade "o primeiro Centro de Emerxencia Social profesionalizado de Galicia".
![1200319411benestar140108.jpg 1200319411benestar140108.jpg](https://xornal.vigo.org/storage/xornal-historico/medi/xornal/noticias/imx/opt/1200319411benestar140108.jpg)
"O albergue proporcionará aloxamento de carácter temporal ás persoas en situación de emerxencia social e que nese momento non teñan fogar", explicou María Méndez, quen adiantou que o centro estará habilitado para acoller entre 40 e 50 persoas por un tempo máximo de tres meses. Neste sentido, a concelleira indicou que esta iniciativa "dá resposta ás demandas actuais dos colectivos, aínda que é difícil elaborar unha estimación moi axustada debido a que moitas das persoas afectadas son transeúntes que non permanecen moito tempo na mesma cidade".
O centro estará dotado de diversas unidades, todas elas atendidas por profesionais, como a que se dedicará á hixiene, na que haberá servizos de ducha, roupeiro e lavandería, unidade de calor-café e unidade de rúa, destinada á atención das emerxencias que se produzan nas rúas da cidade.
A situación das instalacións deberá cumprir cos requisitos de ser "unha zona residencial e ben comunicada". Neste sentido, María Méndez sinalou que neste momento Vicepresidencia baralla tres posibilidades. Segundo a concelleira de Benestar Social, a necesidade dun albergue deste tipo "está clara e vén demandada por todos os colectivos sociais".
Por outra banda, María Méndez anunciou tamén que a cidade disporá próximamente de dous novos pisos para acoller persoas en risco de exclusión social, cuxa ubicación se estudiará na reunión que manterá a vindeira semana co delegado provincial de Vivenda.
Descargar todas as imaxes
O centro estará dotado de diversas unidades, todas elas atendidas por profesionais, como a que se dedicará á hixiene, na que haberá servizos de ducha, roupeiro e lavandería, unidade de calor-café e unidade de rúa, destinada á atención das emerxencias que se produzan nas rúas da cidade.
A situación das instalacións deberá cumprir cos requisitos de ser "unha zona residencial e ben comunicada". Neste sentido, María Méndez sinalou que neste momento Vicepresidencia baralla tres posibilidades. Segundo a concelleira de Benestar Social, a necesidade dun albergue deste tipo "está clara e vén demandada por todos os colectivos sociais".
Por outra banda, María Méndez anunciou tamén que a cidade disporá próximamente de dous novos pisos para acoller persoas en risco de exclusión social, cuxa ubicación se estudiará na reunión que manterá a vindeira semana co delegado provincial de Vivenda.