O Calvario acolle este domingo o Torneo Nito Ruiz de tiro con arco
Setenta arqueiros de Galicia, España e Portugal participarán este domingo día 20 de xaneiro no XII Torneo Nito Ruiz de tiro con arco, que terá lugar no Pavillón Muncipal do Calvario. A proba, organizada polo Club de Arqueros Nito Ruiz coa colaboración da Concellería de Deportes, é valedeira para o Campionato de España que se celebrará en febreiro en Lleida.
![1200406417tiroconarco150108.jpg 1200406417tiroconarco150108.jpg](https://xornal.vigo.org/storage/xornal-historico/medi/xornal/noticias/imx/opt/1200406417tiroconarco150108.jpg)
Os arqueiros competirán desde as 09.30 ata as 14.00 horas tirando un total de 60 frechas desde unha distancia de 18 metros, intentando bater o récord de 568 puntos establecido hai seis anos por Isidro Beiras para conseguiren o trofeo especial do torneo. Este trofeo consiste nunha frecha de prata e outra de cristal duns 60 centímetros, colocadas sobre penas de pedra cunha chapa de prata na que se inscribe o récord, o nome do arqueiro e a data da marca.
Os participantes, con idades a partir dos 14 anos, proceden de diversas partes de Galicia, España e Portugal. A cidade de Vigo estará representada con 15 arqueiros. O concelleiro de Deportes, Xabier Alonso, salientou este martes na presentación do torneo o alto nivel dos deportistas que competirán neste evento. Unha das presenzas destacadas na edición deste ano é a da arqueira do Club Arco de Narón Iria Grandal García, subcampioa do mundo cadete en 2006, actual número un do ránking júnior feminino español e campioa galega en varias ocasións nas categorías de alevíns, infantís, cadetes e júnior.
Xabier Alonso animou os vigueses e viguesas a achegarse este domingo ata o Pavillón Municipal do Calvario para gozaren dunha "experiencia moi gratificante", como é asistir a unha competición deportiva que require "moito tempero e moito control".
Descargar todas as imaxes
Os participantes, con idades a partir dos 14 anos, proceden de diversas partes de Galicia, España e Portugal. A cidade de Vigo estará representada con 15 arqueiros. O concelleiro de Deportes, Xabier Alonso, salientou este martes na presentación do torneo o alto nivel dos deportistas que competirán neste evento. Unha das presenzas destacadas na edición deste ano é a da arqueira do Club Arco de Narón Iria Grandal García, subcampioa do mundo cadete en 2006, actual número un do ránking júnior feminino español e campioa galega en varias ocasións nas categorías de alevíns, infantís, cadetes e júnior.
Xabier Alonso animou os vigueses e viguesas a achegarse este domingo ata o Pavillón Municipal do Calvario para gozaren dunha "experiencia moi gratificante", como é asistir a unha competición deportiva que require "moito tempero e moito control".