A quinta edición de "Vivir en parella é cousa de 2" clausúrase o luns
A quinta edición do programa "Vivir en parella é cousa de 2", da Concellería de Igualdade, será clausurada este luns día 10 de decembro cun acto que será presentado pola concelleira Iolanda Veloso. Durante a clausura desenvolverase o relatorio "As desigualdades de xénero no fogar", a cargo de Sandra Dema, profesora titular da Área de Socioloxía da Universidade de Oviedo.
No transcurso do acto, que terá lugar na Sala de Conferencias do Centro Cultural Caixanova a partir das 20.00 horas do luns, entregaranse os diplomas dos cursos que se veñen desenvolvendo desde o mes de outubro no marco deste programa.
"Vivir en parella é cousa de 2" é unha iniciativa destinada á conciliación da vida laboral e familiar, así como ao fomento da igualdade de xénero. Os cursos ofertados nesta edición foron seis, dos cales dous, os de cociña e pasado de ferro, estaban dirixidos exclusivamente a homes. Outros dous cursos, os de fontanería e electricidade básica, estaban destinados só a mulleres. Por último, desenvolvéronse dous cursos de carácter mixto, que trataron sobre aspectos importantes para a comunicación no ámbito da parella e para mellorar a atención ás persoas maiores.
Descargar todas as imaxes
"Vivir en parella é cousa de 2" é unha iniciativa destinada á conciliación da vida laboral e familiar, así como ao fomento da igualdade de xénero. Os cursos ofertados nesta edición foron seis, dos cales dous, os de cociña e pasado de ferro, estaban dirixidos exclusivamente a homes. Outros dous cursos, os de fontanería e electricidade básica, estaban destinados só a mulleres. Por último, desenvolvéronse dous cursos de carácter mixto, que trataron sobre aspectos importantes para a comunicación no ámbito da parella e para mellorar a atención ás persoas maiores.