María Méndez continúa en Coia a rolda de visitas aos diferentes colectivos de Vigo para coñecer as súas necesidades
A concelleira de Benestar Social, María Méndez, continuou este mércores a rolda de visitas aos diferentes colectivos e asociacións de Vigo que xa iniciou no mes de xullo para coñecer de primeira man as súas demandas. Desta vez, a concelleira visitou as instalacións do Centro Social de Coia, onde manifestou que "é un centro moi activo, pioneiro nalgúns programas, polo que é exemplo a seguir no resto da cidade".
No seu percorrido polas instalacións, os membros da dirección do centro transmitíronlle á concelleira as súas necesidades, como a mellora dos accesos, e a preocupación polo mantemento e a limpeza do contorno do centro social, ao carón do Pavillón de Coia. Ao respecto, María Méndez indicou que tramitará coa maior brevidade posible as demandas que correspondan Departamento de Benestar Social e que transmitirá as outras suxestións ás respectivas concellerías para que sexan atendidas "no seu debido tempo e forma".
Ademais, María Méndez explicou que Benestar Social está desenvolvendo programas para facilitar o acceso ás persoas maiores con menos recursos ás diferentes actividades culturais que se desenvolven na cidade. Neste sentido, lembrou que a concellería que dirixe puxo a disposición dos colectivos de maiores autobuses para realizar visitas guiadas á exposición "Nazón de Breogán", organizada pola Vicepresidencia da Igualdade e do Benestar.
A concelleira engadiu que está previsto continuar o reparto de entradas para que os maiores de todo Vigo poidan participar en obradoiros de cine e para visitar museos e exposicións dun xeito "equitativo e igualitario".
Descargar todas as imaxes
Ademais, María Méndez explicou que Benestar Social está desenvolvendo programas para facilitar o acceso ás persoas maiores con menos recursos ás diferentes actividades culturais que se desenvolven na cidade. Neste sentido, lembrou que a concellería que dirixe puxo a disposición dos colectivos de maiores autobuses para realizar visitas guiadas á exposición "Nazón de Breogán", organizada pola Vicepresidencia da Igualdade e do Benestar.
A concelleira engadiu que está previsto continuar o reparto de entradas para que os maiores de todo Vigo poidan participar en obradoiros de cine e para visitar museos e exposicións dun xeito "equitativo e igualitario".