O Boletín Oficial do Estado publica este venres a resolución da Dirección Xeral de Ferrocarrís pola que se aproba provisionalmente o estudo informativo do tramo Ourense-Vigo do AVE.
O alcalde, Abel Caballero, recibiu este venres no seu despacho a cónsul de Arxentina, Georgina Bortolotto, con quen tratou da situación actual do Consulado e da colonia do país sudamericano en Vigo.
A secretaria xeral de Igualdade, Carme Adán, e o tenente de alcalde, Santi Domínguez, anunciaron hoxe que no primeiro trimestre do vindeiro ano abrirá as súas portas a galescola da rúa Palencia e ao longo do 2008 iniciarase a construción de tres mas, que estarán ubicadas na rúa O Grove, no PAU de Navia e no Parque Tecnolóxico. Carme Adán e Santi Domínguez fixeron estas declaracións ao remate da visita ás obras da rúa Palencia, na que estiveron acompañados polo delegado da Vicepresidencia, Francisco Verea, e polas concelleiras de Benestar Social, María Méndez, e de Igualdade, Iolanda Veloso.
O tenente de alcalde, Santiago Domínguez, asegurou este venres que o Mundial de Hockey sobre Patíns que terá lugar en Vigo e Pontevedra en 2009 "vai ser o mellor de cantos se teñen celebrado".
A concelleira de Mocidade, Iolanada Veloso, presentou este venres a nova programación de "Súbete ao Castro" e salientou que o prazo para inscribirse aos cursos gratuítos do programa de lecer alternativo están abertos dende o día 17 de setembro e que teñen prazas limitadas.
A concelleira de Benestar Social, María Méndez, anunciou este venres, con motivo da celebración do Día Mundial do Alzheimer, o desenvolvemento dun plan municipal de avellentamento activo "para que sexa unha realidade ao final deste mandato".
O Proxecto Conta con Elas adxudica ao Centro Cultural Artístico e Reacreaivo de Valladares a posta en marcha dun novo "Banco do Tempo", o que fará, xa, un total de seis bancos no municipio de Vigo. Este Banco será xestionado conxuntamente polo Centro Cultural A.R. Valladares, a Asociación de Mulleres "Pedra Vella" e a Asociación da 3ª idade "Nevox".
Este luns inaugúrase na Casa das Artes a exposición "Un país desde as táboas. 125 anos de teatro galego". Con ela, o Concello de Vigo e a Dirección Xeral de Creación e Difusión Cultural da Xunta propoñen unha viaxe a través dos grandes períodos da actividade dramática galega desde o seu nacemento ata os nosos días.
<br /> <br />
<br /> <br />
<br />
A Consellería de Vivenda e Solo contratou por 4.911.139,86 euros a execución das obras de urbanización do Espazo Verde de San Paio de Navia. A empresa contratada disporá dun prazo de 14 meses para a execución das obras unha vez asinado o contrato.