martes, 13 mai 2003
A Casa da Xuventude acolle a inauguración da mostra do Concurso Fotográfico da IV Vig-Bay a partir das 19:30 horas. No acto daranse a coñecer as imaxes premiadas na edición deste ano entre as realizadas polos dez finalistas. O certame, patrocinado pola Concellería de Xuventude, Vieirasa e Vigo Foto elixe as mellores instantáneas sobre a última media maratón Vig-Bay, celebrada entre Samil e Baiona o pasado 6 de abril.
mércores, 7 mai 2003
A Concellería de Xuventude colabora co programa "Ponte nas ondas", no que participarán máis de 1.000 alumnos a través de sete estudios radiofónicos.
luns, 5 mai 2003
O concelleiro de Xuventude, Santiago Domínguez, visitou o novo local municipal de ensaio do Castro no que 50 grupos musicais integrados por mozos vigueses poderán compoñer e interpretar as súas creacións.
venres, 2 mai 2003
O concelleiro de xuventude Santiago Domínguez clausurou o pasado mércores no Colexio Público Lope de Vega o proxecto A radio na escola que, promovido pola propia Concellería de Xuventude, co apoio da Fundación Radio ECCA e a colaboración de MARKA Informática, desenvolveron ó longo de 17 semanas, percorrendo centros públicos da cidade de Vigo, e achegando a máis de 500 mozas e mozos o medio radiofónico.
martes, 29 abr 2003
Máis de 500 rapazas e rapaces participaron neste proxecto promovido pola Concellería de Xuventude e a Fundación Radio ECCA.
luns, 21 abr 2003
Case 3.000 mozos participaron no proceso de debate "Vigo 20" que analizou as políticas de xuventude co fin de establecer prioridades e liñas de futuro para levar á práctica desde o Concello e a Universidade.
mércores, 9 abr 2003
A quedada do pasado sábado celebrada no salón de actos da Escola de Peritos Enxeñeiros, e organizada polo foro VIGO 20 da Concellería de Xuventude do Concello de Vigo e a Universidade de Vigo, serviu como marco apropiado para desenvolver a final do II Concurso Radiofónico Concello de Vigo, levado a cabo, un ano máis, pola propia Concellería de Xuventude e a Fundación Radio ECCA.
luns, 7 abr 2003
Os participantes esixen unha maior presencia dos intereses xuvenís nas institucións locais
xoves, 3 abr 2003
A xornada está aberta a participación de calquera mozo
mércores, 2 abr 2003
O antigo Exipto, o mundo do libro e as actividades ao aire libre serán os principais protagonistas das ludotecas municipais durante o mes de abril que en Semana Santa abrirán as súas portas tamén en horario de tarde.
