Escoitar

Noites Vivas para a fin de semana

As Noites Vivas, programa da Concellería de Xuventude, presentase esta fin de semana coma anticipo o Nadal e esto vese reflectido nas actividades que se realizarán nas distintas sedes.

xoves, 11 dec 2003
1071150749Dsc02878.jpg
No parque de bicis do Castro haberá un obradoiro de elaboración de postais dixitais de Nadal que continuará ata o sábado día 13, combinando estas actividades con outras como o acceso a Internet, os xogos en rede, o torneo de dardos e o xadrez.

Os que queiran dedicarse á cociña teñen ocasión de facelo no Centro Xuvenil da rúa Uruguai con receitas galegas o venres, onde tamén se dispón dun servicio de acceso a Internet e salas de xogos e obradoiros.

Unha das actividades de máis éxito no programa Noites Vivas da Concellería de Xuventude, é o baile nas súas distintas facetas, e nesta fin de semana pódese disfrutar en dúas das sedes: en Abertal se desenvolverá un obradoiro de Break Dance e no Pavillón do Berbés haberá baile moderno, ámbolos dous o venres. No primeiro sitio complétase a oferta coas salas dispoñibles para obradoiros, xogos e internet, e no segundo, deportes orixinais coma Musculación e Balón Xigante, aproveitando o pavillón.

A asociación Cancerbero organiza partidas de rol en vivo e xogos para interesados, teñan ou non experiencia e relación con esta actividade.

Ó día seguinte, sábado 13, haberá unha partida de Magic en Abertal, e para os máis activos pachanga deportiva. Dentro do ciclo de cine que veñen desenvolvendo nesta sede, tense prevista tamén a proxección dunha película.

Actividades de nadal coma arranxos florais e unha proposta de cócteles sen alcol son as que nos agardan ese sábado en Uruguai, sen esquecer o Selfservice, salas de xogos e internet.

E unha suxestión para ir poñéndonos a ton coas festas é asistir ó café concerto que a Asociación Xuvenil Xentenova ten organizado para este sábado ás 20:30 na rúa Filipinas nº 6.


Dentro de Noites Vivas está programada una visita con un guía didáctico á exposición "Olladas Oceánicas" una visión contemporánea sobre o mar, que forma parte do proxecto "A mares" do Museo do Mar. Dende Noites Vivas disporase para este venres día 12 dun autobús a disposición dos xoves interesados nesta actividade. O autobús sairá ás 22.00 horas dende o Colexio Hogar ata a rúa venezuela, onde fará unha parada fronte á Asociación Abertal ás 22.15 horas. De aí partirá á rúa García Barbón, onde fará unha parada no hotel NH, ás 22.30 horas. Ás 22.45 recollerá ós últimos xoves fronte ó Pavillón de O Berbés, para dirixirse ó Museo, a onde chegará aproximadamente ás once de la noite.

Aínda queda moito por facer nas Noites Vivas de Vigo antes de que cheguen as festas do Nadal, e as sedes permanecen abertas ó público de forma gratuíta para atender á patente demanda de ocio alternativo ata o 20 de decembro.
Descargar todas as imaxes