A Xerencia de Urbanismo deste xoves aprobou a posta en marcha dun Plan para "actuar contra as ilegalidades urbanísticas", informou o alcalde, para facer cumplir as sancións. Dez inspectores do Concello, de motu propio, vixiarán o litoral, as zonas verdes e calquera actuación urbanística ilegal, e farán un seguimento e control da súa tramitación e resolución ata a clausura do expediente.
O artista vigués afincado en Barcelona, Crego, fixo este mércores entrega á Xerencia de Urbanismo dun cadro de grandes dimensións xa ubicado na sala de xuntas. O tamén artista vigués Mingos Teixeira participou da entrega, e o alcalde, o concelleiro e a xerente de Urbanismo recibiron o cadro.
O Diario Oficial de Galicia (DOG) publicou este martes a aprobación do novo PXOM de Vigo outorgada pola Consellería de Política Territorial de Xunta de Galicia o pasado 16 de maio. O alcalde mostrou a súa "satisfacción" por esta "moi boa noticia" e calculou que aproximadamente "en dúas semanas" estará publicado no Boletín Oficial da Provincia pasando a ter vixencia legal.
O alcalde de Vigo, Abel Caballero, informou este xoves da resolución da Xerencia de Urbanismo de suspender tres licencias solicitadas por locais nocturnos ao entrar no ámbito das zonas acústicamente saturadas. Estas actuacións van "moi en serio" e constitúe para o rexedor "a aplicación firme dunha norma conveniente para a cidade".
A Xerencia de Urbanismo deste xoves aprobou o cambio do uso dotacional da parcela que acollerá o Centro de Día de Navia, pasando de educacional a xerontolóxico. O alcalde informou de que a modificación foi "a mellor solución" para que sexa construido "con celeridade". Ademais, o Consello autorizou a ampliación da empresa de compoñentes do automóbil Benteler, que acometerá "investimentos millonarios" na cidade.