xoves, 28 ago 2008
O alcalde de Vigo explicou hoxe xoves, en rolda de prensa posterior á Xerencia de Urbanismo, que os técnicos municipais deste departamento ditaminaron informes "absolutamente favorables" da entrada soterrada da Alta Velocidade, do plan Vigo Íntegra da Xunta de Galicia e do gran hospital de Vigo, "tres temas da maior importancia para esta cidade", subliñou Abel Caballero.
mércores, 13 ago 2008
O alcalde, Abel Caballero, rubricou este mércores o convenio de xestión e planificación do ámbito de Praza de España, que contempla a peatonalización da zona, zonas verdes, 600 aparcamentos, túneles que unen a Avenida de Madrid coas duas direcións de Gran Vía e a reserva do 21% das vivendas para protección oficial. En total, son "20 ámbitos de actuación que van arrancar de xeito inmediato", destacou o rexedor.
xoves, 7 ago 2008
Segundo os convenios asinados hoxe xoves polo alcalde e a delegada especial da Zona Franca, o Consorcio ampliará en 240.000 metros cadrados o Parque Tecnolóxico e Loxísitico de Vigo e executará a chamada "Cidade do Frío": 1,1 millóns de m2 de solo empresarial no que se priorizará a recolocación das industrias de Beiramar e da automoción. Ademais, Zona Franca estudará participar na urbanización da área urbana de Guixar.
mércores, 6 ago 2008
O alcalde de Vigo, Abel Caballero, mostrou este mércores a súa "satisfacción" pola publicación no Boletín Oficial da Provincia do novo PXOM, o que supón que a nova planificación urbanística entra definitivamente en vigor o próximo 25 deste mes. O rexedor sinalou que o Plan servirá para a "reactivación económica e do emprego" e tendeu a mán aos grupos políticos, sindicatos, promotores, colectivos profesionais e cidadáns para que "marchemos xuntos" no seu desenvolvemento.