xoves, 5 xuñ 2003
A corporación en funcións prevé aprobar definitivamente a modificación puntual do Plan especial de ordenación do Porto formulada pola Autoridade Portuaria de Vigo, por iniciativa do Consorcio da Zona Franca e do Concello de Vigo. A sesión será o venres 6 de xuño ás 9:00 no salón de plenos.
luns, 28 abr 2003
O Pleno da corporación municipal adxudicou o concurso para a contratación da concesión do servicio público de ampliación, substitución, mantemento, conservación, reparación, subministro e explotación das instalacións de regulación, control e información de tráfico de vehículos e peóns na rede viaria de Vigo.
luns, 28 abr 2003
O Pleno aprobou a permuta de terreos sitos no polígono 1 do Peri "A Bouza sur", propiedade de Miraflores Vigo, por fincas do patrimonio municipal do solo, para converter en zona verde as parcelas.
luns, 28 abr 2003
O Pleno da Corporación aprobou, por aclamación, nomear unha rúa ou praza de Vigo co nome de Mercedes Ruibal para a lembranza das xeracións futuras e como homenaxe aos valores artísticos e á coraxe cívica desta viguesa exemplar.
venres, 25 abr 2003
A sesión, de carácter ordinario, comezará ás 9 de mañá no salón de plenos e nela trataranse un total de 21 asuntos.
luns, 31 mar 2003
A Corporación municipal acordou cederlle o local municipal situado na rúa Oliva á asociación veciñal e cultural do Casco Vello. Terá dereito a uso dunha superficie de 169, 89 m2 no semisoto e 19,95 m2 da planta baixa do inmoble, por un período de 20 anos, no que está o Centro de servicios comunitarios do Casco Vello, excluíndo desta cesión o patio interior do semisoto coas excavacións da muralla.
luns, 31 mar 2003
A Unión Temporal de Empresas Seragua-FCC, actual concesionaria do servicio de saneamento e abastecemento de auga a Vigo, será a que se encargue da execución do proxecto "conexión O Casal-Valadares e peche perimetral". Esta obra, presupostada en 7.049.844 euros, permitirá o subministro de auga ao Parque Tecnolóxico e Loxístico e ao polígono de Navia, ao tempo que garante o abastecemento de diversas parroquias do oeste da cidade.
luns, 31 mar 2003
O Pleno da Corporación acordou, por unanimidade, pedirlle ao Goberno Central que se poñan en servicio catro lanchas de salvamento de última xeración na provincia de Pontevedra e que, cando menos, unha delas teña base en Vigo para as oportunas operacións de salvamento na ría.
luns, 31 mar 2003
A Corporación municipal aprobou unha moción presentada polo Grupo municipal Socialista na que se pide a retirada do proxecto de Lei de Ordenación Sanitaria de Galicia por considerala un atentado contra o sistema sanitario deste país.
luns, 31 mar 2003
Os concelleiros da Corporación municipal, agás os do grupo do Partido Popular, aprobaron unha moción no pleno celebrado hoxe relativa ao conflicto armado contra Iraq, na que manifestan a súa reprobación sobre a implicación española no devandito conflicto e declaran que Vigo non se sente representado pola política exterior que o goberno do Sr. Aznar está a practicar neste asunto.