A posta en marcha dun "plan de choque" no Casco Vello para resolver as carencias desta zona da cidade foi un dos acordos alcanzados esta mañá nunha xunta entre os concelleiros de Patrimonio Histórico e Vía Urbana, Xosé Carlos Arias e Miguel Barros, respectivamente, con técnicos municipais.
Os servicios municipais de Patrimonio Histórico e de Promoción Económica e Emprego iniciaron hoxe unha colaboración para acometer un programa de pequenas reparacións e mellora estética de elementos deteriorados no espacio público do Casco Vello.
O Alcalde de Vigo, Ventura Pérez Mariño, asegura que é preciso seguir traballando co resto das Administracións Públicas para conseguir recuperar de xeito integral o Casco Vello da cidade. Acompañado polos concelleiros de Patrimonio Histórico e Seguridade, Xosé Carlos Arias e Xulio Calviño, respectivamente, e representantes veciñais, Pérez Mariño percorreu as rúas do barrio histórico.
O Concelleiro de Cultura e Patrimonio Histórico, Xosé Carlos Arias, presentou hoxe a constitución da Comisión do Museo de Castrelos que ten como finalidade realizar un estudio organizativo e definir o modelo museográfico da entidade. A Comisión tratará tamén a necesidade de realizar obras de saneamento no Museo que se executará con cargo ós presuposto do próximo ano cun investimento de 102.000€ por parte de operarios da concellería de Vías e Obras.
O concelleiro de Patrimonio Histórico, Xosé Carlos Arias, asegura que o Casco Vello precisa dun mantemento constante para evitar procesos de degradación. Ao longo dun percorrido pola zona para detectar posibles problemas, Arias, que estivo acompañado por técnicos municipais, explicou que o obxectivo da visita era detectar hipotéticos puntos de deterioro para iniciar actuacións con urxencia.
O Centro de Artesanía Tradicional (CAT) adscrito á Concellería de Patrimonio Histórico asistirá ó II salón de Turismo, Artesanía e Gastronomía, "ExpoGalaecia 2003" que se celebrará no Instituto Feiral de Vigo entre o 30 de outubro e o 2 de novembro. Tamén participará en "Galiemprego" que terá lugar en Santiago de Compostela do 13 ao 15 de novembro.
Patrimonio Histórico oferta ós colexios actividades no Centro de Artesanía Tradicional, dentro dun programa feito expresamente para os alumnos de seis a catorce anos que lles permitirá coñecer e participar do patrimonio cultural dos oficios artesáns.
Patrimonio Histórico oferta ós colexios actividades no Centro de Artesanía Tradicional, dentro dun programa feito expresamente para os alumnos de seis a catorce anos que lles permitirá coñecer e participar do patrimonio cultural dos oficios artesáns.
A primeira Asociación en acoller a exposición itinerante do Centro de Artesanía Tradicional é a Asociación de mulleres Lúa, ubicada no centro cultural de Bembrive, co que o CAT inicia a súa programación de outono.
O Concelleiro de Patrimonio Histórico, Xosé Carlos Arias, vén de presentar a programación de actividades de difusión dos oficios tradicionais do Centro de Artesanía Tradicional. Así, o CAT comeza a súa programación de outono cunha exposición itinerante que percorrerá as entidades sociais e culturais de Vigo e o seu contorno. Cada entidade poderá acoller esta mostra por un período de 15 días e irá rotando por todas aquelas que recollan as condicións necesarias para a mesma.