Xa está aberta a convocatoria para anotarse ás distintas especialidades que ofrece a Escola Municipal de Artes e Oficios (EMAO) no vindeiro curso 2019-2020, un total de 206 novas prazas para os cursos básicos en horario de tarde e 118 para a formación de iniciación en horario de mañá. A preinscripción, presencial ou por Internet.
Abel Caballero e o reitor, Manuel Reigosa, mantiveron un encontro este mércores, no que tamén estivo presente o Delegado de Zona Franca, David Regades, e no que abordaron a cooperación entre ámbalas institucións.
Abel Caballero informou de que o alumnado do curso anterior xa pode matricularse, mentres que o prazo para os novos estará aberto desde o vindeiro 24 de xuño e poderá facerse on line ou de forma presencial. "As matrículas están moi subvencionadas, son prezos moi módicos, é alcanzable para todas as familias", apuntou.
Abel Caballero visitou este mércores o Colexio Divino Salvador en Coruxo onde foi recibido polo alumnado dos tres ciclos educativos que lle relataron as actividades que desenvolve o centro e lle propuxeron algunhas cuestións do seu interese. Durante o acto, o alcalde en funcións fixo entrega ao fundador do centro, Basilio Toyos, da medalla e do diploma que os acredita como Vigués Distinguido 2019 polos 50 anos de actividade docente, un labor que puxo en valor e para a que os animou a seguir traballando.
O alcalde en funcións animou esta mañá a máis de 2000 escolares de 55 colexios vigueses e da comarca a que "estuden, primeiro, e se divirtan despois" durante o acto de entrega dos premios de Faro da Escola, unha convocatoria na que os estudantes crean o seu propio periódico con noticias do seu centro, que logo son publicadas en formato xornal por Faro de Vigo.
Abel Caballero compartiu esta mañá unha charla con alumnos e alumnas do IES Castro para falar dos problemas do medio ambiente. Durante o relatorio, o alcalde escoitou iniciativas dalgúns estudantes aos que animou a seguir impulsado iniciativas que promovan a concienciación sobre o coidado do planeta.
O rexedor en funcións acudiu este venres aos actos do 75 aniversario do Centro de Educación Infantil e Primario O Rocío e, ademais de felicitar a profesores e alumnos, entregou á directora o galardón do premio Vigueses Distinguidos que foille concedido o pasado mes de marzo durante os festexos da Reconquista.
A Xunta de Goberno Local do Concello de Vigo aprobou na súa sesión do 30 de maio a aprobación das listas definitivas de adxudicación, agarda e denegación das becas do Programa Municipal de Inmersión Lingüística (PILI). O número de prazas aumentouse finalmente ata 900 para cubrir todas as solicitudes.
Abel Caballero achegouse este xoves ata o CEIP San Salvador de Teis, onde comezou unha proposta na que alumnado do IES de Teis fan lecturas teatralizadas aos escolares do colexio, co acto central no parque da Riouxa.
Abel Caballero asistiu este mércores no Colexio Apóstol Santiago aos actos da campaña mundial pola educación en Galicia cuxa temática aborda a sostibilidade ambiental e no que participaron tamén estudantes do Colexio Miralba e do San Xosé da Guía.