O goberno de Vigo iniciou a tramitación ambiental do Plan Especial que posibilitará facer unha nova entrada ao colexio desde a Estrada de Camposancos, deixando a actual só para peóns. O procedemento durará uns dous anos e o alcalde lamentou que a Xunta negara a aplicación da lei 3/2016 para acurtar os prazos.
O alcalde e a presidenta da Deputación, Carmela Silva, visitaron este martes o comezo das obras, que se enmarcan no convenio asinado entre o o consistorio olívico e o ente provincial e que inclúe tamén a cuberta do patio do Ceip Pintor Laxeiro.
A Corporación deu luz verde este mércores á moción do grupo socialista que insta ao presidente da Xunta e ao Conselleiro de Sanidade a dar explicacións sobre a situación actual da sanidade pública galega e a tomar medidas fronte ás listas de agarda.
Abel Caballero e Carmela Silva participaron este martes na presentación da programación de verán da Universidade Nacional de Educación a Distancia que celebra en Vigo “O silencio social, gran cómplice do machismo”.
A Xunta de Goberno Local aprobou a contratación dos servizos para a xestión, organización e desenvolvemento do programa municipal de inmersión lingüística por un importe de 4,4 millóns de euros, nun prazo de 2 anos. En 2022 viaxarán a aprender inglés case 3.000 mozas e mozos da cidade.
O orzamento de inversións da Consellería de Educación inclúe 50.000 euros para a posta en marcha do IES de Navia o que demostra “que non hai vontade de construílo”. O rexedor lembrou esta mañá que a Xunta aínda non respostou á proposta de convenio que o Concello lle enviou en febreiro de 2020.
A Xunta de Goberno Local aprobou este xoves a subvención nominativa mediante convenio de colaboración coa Federación Olívica de Asociacións de Nais e Pais de Alumnos para financiar as bolsas de comedor dos escolares que sumada á achega da área de Política Social supera os 2 millóns de euros.
O alcalde, Abel Caballero, e a autora, Adela Pintado, presentárono este martes no Concello, un material didáctico xurdido do confinamento que mistura rimas breves e pictogramas para facilitar a aprendizaxe das tarefas diarias dos nenos e nenas nas clases. O Concello entrégao de balde ás escolas infantís.
A biblioteca do Mar de Vigo abrirá todos os días ata ás 00,00h, mentres que a de Navia estará operativa de luns a domingo entre as 09,00 e as 21,00h. O obxectivo é dar servizo ao aumento da demanda de espazos de estudo no mes de xuño e na primeira quincena do mes de xullo.
O alcalde participou este luns na visita realizada ao edificio Redeiras, no Berbés, que será a nova sede da institución académica no centro da cidade e onde comezará a funcionar, entre outros servizos, a Escola Aberta de Formación Permanente.