A Xunta de Goberno Local aprobou este xoves a prórroga do contrato de xestión das ludotecas por un importe de 495.000 euros. A empresa realizará 50 actividades de animación, 50 obradoiros e 10 actividades de excursión. O Concello tamén deu o visto e prace a achega para a Fundación Laxeiro.
Segundo explicou Caballero, o alumnado trasladoulle a súa valoración positiva sobre a formación recibida dentro do Plan de Inclusión Dixital que lles permitiu adquirir coñecementos en diferentes áreas das novas tecnoloxías: redes sociais, compras e vendas por Internet, ofimática básica, follas de cálculo, smartphones... Amais, sinalou, “recibimos peticións de máis cursos” dado que “permiten abrir novos horizontes”. O salón de actos da UNED no Auditorio Mar de Vigo acolleu o acto de entrega do diploma acreditativo destes cursos.
O grupo de 15 estudantes alemáns da rexión de Hannover realizou este xoves unha visita ás dependencias do Concello no marco da súa viaxe de estudos a Vigo, onde se atopan de intercambio co Colexio Miralba-Xesuitinas. Caballero deulles a benvida á cidade e desexoulles unha feliz estadía de aprendizaxe e ocio en Vigo.
Abel Caballero asistiu este mércores ao pavillón Pablo Beiro de Bouzas, onde estudantes do IES Josefa Alonso de Matamá participaron no programa de inclusión “Deporte para todos e todas”. Organizado polo Club Amfiv de baloncesto en cadeira de rodas e a Fundación Pablo Beiro, o obxectivo da xornada era visibilizar o deporte adaptado.
O rexedor compartiu coa comunidade educativa do Ceip O Pombal unha xornada de actividades coas que o centro segue a festexar o seu 70 aniversario. Entre outras, Caballero participou no soterramento dunha cápsula do tempo na que se gardaron traballos realizados polo alumnado.
As solicitudes poderán ser presentadas durante dez días hábiles desde a publicación no BOP da convocatoria, aprobada este xoves polo goberno de Vigo. O Concello reserva 1.150.000 euros ao efecto e poden optar entidades veciñais, culturais, socioasistenciais, sindicais, empresariais, deportivas e comunidades de montes.
O goberno de Vigo acordará mañá xoves a proposta, toda vez que o recurso administrativo non foi contestado polo goberno autonómico. Segundo recordou o alcalde, a Xunta obriga ao Concello a abonarlle máis de 200.000 euros anuais polas escolas infantís que xestiona o Consorcio autonómico en Valadares e rúa Palencia
O Concello de Vigo iniciará a aprobación definitiva do Plan Parcial de Navia supeditando o resto da tramitación a que a Xunta asuma o convenio de colaboración que garanta a construción do instituto de Navia. O documento proposto polo Concello recolle que o IES sexa a primeira edificación en uso no ámbito do Plan Parcial.
Logo dunha reunión coa Asociación de Directores de Colexios Públicos, Caballero asegurou que “xa só o Concello” atende a estes centros e recordou que a Xunta non contestou á súa proposta de cofinanciar un plan de adecuación das instalacións. O rexedor citará aos responsables dos 50 colexios públicos para “facer balance de situación”.
Caballero compartiu coas nenas e nenos do centro educativo e co profesorado esta xornada na que celebraban o éxito do proxecto do Club de Convivencia polo que construíron máis de 1000 grúas de papel que enviarán ao Parque da Paz de Hiroshima, en Xapón. O rexedor lembroulles a importancia da paz na historia da humanidade e felicitounos pola iniciativa na que depositaron os seus mellores desexos de paz e convivencia.