O alcalde de Vigo, Abel Caballero, mantivo este venres unha vídeo conferencia co alumnado do Colexio Miralba (Jesuitinas) na que os escolares de 4º de Primaria realizaron varias peticións, como a conversión de VigoZoo en centro de recuperación de fauna. O rexedor tamén animou aos máis pequenos tras a súa etapa de confinamento nos domicilios pola pandemia de Covid-19.
O acordo, que ten un importe de 606.000 euros para financiar axudas de comedor e actividades extraescolares, rubricouse este venres nas dependencias municipais. Amais, o Concello cederá o pavillón das Travesas para as probas da EBAU.
Durante o acto de entrega dos premios Faro da Escola do xornal Faro de Vigo, celebrado este xoves nos xardíns do Pazo de Castrelos, Abel Caballero puxo en valor o papel dos docentes que “fan persoas” e destacou, especialmente, o seu traballo durante esta crise sanitaria na que tiveron que afrontar a educación a distancia. O rexedor destacou a calidade dos proxectos realizados polos centros educativos vigueses e de toda a provincia e avogou por ir recuperando a “normalidade” respectando sempre as medidas de seguridade.
O alcalde avanzouno este xoves en rolda de prensa, unha apertura dos procesos de solicitude de praza para o curso 2020-2021 nas escolas municipais de Música, de Teatro, de Danza e de Música Folk e Tradicional (E-Trad). Os interesados en acceder aos centros poden optar por vía telemática e presencial con cita previa.
A Xunta de Goberno Local do Concello de Vigo aprobou este xoves o contrato de servizos de mantemento das instalacións de calefacción e auga quente nos colexios públicos. Tamén recibiu o visto e prace a modificación das bases para as becas no estranxeiro da Escola de Idiomas e as subvencións para a Fundación Carlos Casares e a Federación de Libreiros.
A Xunta de Goberno Local aprobou a reanudación da execución de varios contratos de servizos para retomar a actividade en varias instalacións municipais, dentro do plan de desescalada cara a "nova normalidade" e respectando as condicións sanitarias establecidas polas autoridades sanitarias.
O prazo para inscribirse no programa "Vigo en Inglés 2020" durará un mes, comezando este mércores, 10 de xuño, e rematando o vindeiro 9 de xullo. Ademais, desde onte están abertos o Centro Municipal de Información dos Dereitos da Muller e o Centro de Documentación Feminista.
O goberno municipal investiu 28.000 euros para dotarse de 200 equipos que repartirá aos centros educativos que o solicitaron para facilitarllos aos estudantes que non dispoñen de medios nin conexión para poder seguir a súa formación online.
O Concello de Vigo convoca os cursos de verán da Escola municipal de Teatro, que este ano serán online. Coa preinscripción xa aberta, o centro propón formación sobre interpretación ante a cámara, habilidades de comunicación e creación dun obradoiro teatral.
Informou Abel Caballero da aprobación da subvención a Foanpas, máis de 600.000 euros para actividades extraescolares e axudas de comedor escolar para o alumnado. Ademais, o goberno de Vigo amplía a un mes o prazo para optar ás 900 prazas do programa “Vigo en inglés” para estudantes de ESO.