xoves, 21 mai 2026
Alumnado do CPR Miralba, do CPR Possumus, do CPR San Blas-Vista Alegre, do CEIP Plurilingüe Frián-Teis, do CEP Doutor Fleming e do CEIP Virxe do Rocío asistiron no Auditorio Municipal ao espectáculo “Ecoralia, a lambona ecolóxica”, unha xornada organizada polo Concello dentro da programación de normalización lingüística. A través de cancións e narracións a ritmo de rock coa súa guitarra, Pakolas achegoulles a historia da maga Ecoralia, que aborda a importancia do consumo ecolóxico para coidar o medio ambiente, combater o cambio climático e garantir o benestar animal. O alcalde saudou ao alumnado e trasladoulles a importancia de coidar o medio ambiente e do estudo nestas últimas semanas do curso académico.
venres, 15 mai 2026
A II Romaría do Resío organizada polo centro escolar contou con diferentes actividades para conmemorar o Día das Letras Galegas. A montaxe dun maio, obradoiros, cancións, bailes e o Banco onde pasan cousas máxicas que inaugurou o rexedor, acompañado polo alumnado, o equipo directivo e as familias que se sumaron á celebración.
xoves, 14 mai 2026
O alcalde participou este xoves na presentación do festival gratuíto de ciencia en bares que se celebra entre o 18 e o 20 de de maio. Trátase do maior evento internacional destas características, con accións nos cinco continentes e no que investigadores de todas as disciplinas comparten o seu traballo co público nun ambiente pouco habitual para a ciencia: os bares.
mércores, 13 mai 2026
Abel Caballero visitou este mércores o CEIP Plurilingüe O Pombal onde alumnado e profesorado está desenvolvendo diferentes accións para conmemorar o Día das Letras Galegas 2026. Durante a mañá houbo representación teatral dunha peza sobre Begoña Caamaño, a autora homenaxeada este ano pola Real Academia Galega, da man de cantantes e actores, alumnas e alumnos do centro. O alcalde felicitou á dirección do Pombal polo esforzo posto na organización de actividades para esta data e animou ao estudantado a esforzarse no que resta de curso académico.
mércores, 13 mai 2026
O plan de mellora das instalacións dos centros educativos de Vigo avanza coa execución de 8 novas intervencións en 7 colexios.
venres, 8 mai 2026
O alcalde saudou este venres aos 200 escolares e ás familias dos CEIPs Escultor Acuña e Valle-Inclán que participan, co alumnado da Escola Municipal de Teatro, nas representacións programadas na XVI edición das Xornadas de Teatro Escolar que se desenvolven no Auditorio Municipal. O rexedor animou á audiencia a gozar das representacións ao tempo que recalcou a transcendencia da actividade cultural tanto para os espectadores como para quen interpreta cada obra. Ao longo das tres xornadas, máis de 900 alumnas e alumnos vivieron esta experiencia teatral.
venres, 8 mai 2026
O Goberno local comezará no mes de xuño a reparación de muros en catro colexios da cidade. Cun orzamento de 612.000 euros, actuarase no Igrexa Valadares, no Valle Inclán, na Escola Infantil Vila Laura e no Mestres Goldar.
mércores, 6 mai 2026
O alcalde saudou este mércores ao alumnado e ás familias que asistiron á primeira das tres xornadas polas que pasarán 900 alumnos e alumnas viguesas de centros de educación Primaria da cidade así como grupos da Escola Municipal de Teatro, que organiza este evento. Hoxe representaron as súas pezas no escenario a Escola Municipal de Teatro, o CEIP Carballal de Cabral e o CEE HC San Rafael. Abel Caballero puxo en valor o teatro como ferramenta pedagóxica e de aprendizaxe e felicitou á Escola Municipal polo seu traballo.
mércores, 6 mai 2026
Abel Caballero recibiu este mércores no Concello a un grupo de alumnado e profesorado do IES Santa Irene que está participando nun intercambio educativo galego-catalán co IES José María Llompart de Mallorca. O rexedor deulles a benvida á cidade “acolledora” que recibe con agrado ás persoas que a visitan e convidounos a achegarse á súa historia e a gozar da experiencia de pasar uns días descubrindo o noso rico patrimonio.
martes, 5 mai 2026
Alumnado e profesorado do CPR O Castro San Miguel e dos Ceip San Miguel e San Miguel II desenvolveron este martes na Praza da Independencia unha campaña de sobre a hixiene das mans a través dunha comparsa para concienciar á cidadanía sobre este hábito que prevén a propagación de enfermidades. Abel Caballero felicitou a iniciativa dos centros educativos e animou a tódalas persoas presentes a “non ter preguiza” e “lavar sempre as mans para evitar o contaxio de virus”.
