Medio centenar de alumnos e alumnas de 4ª a 6ª de Educación Primaria do CEIP Josefa Alonso visitaron as instalacións municipais. O alcalde sumouse á visita e explicoulles a importancia do traballo que desenvolve o Concello no ámbito administrativo. A visita enmárcase no programa "Visita o teu Concello", creado para achegar a actividade do Concello e o seu funcionamento ao estudantado.
Abel Caballero visitou este martes o centro educativo e participou na entrega de trofeos da carreira pola Paz que organiza o Possumos desde hai varios anos a favor dun colexio de Kenia, fondos que lle permitirán reparar goteiras, portas e fiestras e iniciar a construción dunha nova aula. O rexedor animou ao alumnado a practicar deporte e a seguir estudando atendendo ás recomendacións do profesorado e das familias.
O goberno municipal procederá a iniciar o abono das bolsas de libros en datas próximas, xa que o se está avanzando rápido no proceso de validación e tramitación das solicitudes. Así o confirmou este martes o alcalde ao lembrar que a subvención municipal a cada estudante ascende a 205 euros.
A Corporación Municipal aprobou no pleno deste luns a moción do PSdeG-PSOE, que contou co apoio do grupo municipal do BNG, coa que instan á Xunta a aumentar o número de prazas de Formación Profesional en Vigo e rexeitan a eliminación de 2.000 prazas.
Abel Caballero anunciou este venres que a Xerencia de Urbanismo aprobará o martes 23 de xaneiro o convenio para construír o Instituto de Navia. Lembrou que o goberno municipal reclama desde 2020 á Xunta a construción dun centro que evitará aos escolares da zona realizar percorridos diarios de ata 8 quilómetros para asistir a clases noutros institutos.
A unha semana de finalizar o prazo para solicitar a bolsa para libros do Concello, dotada con 205 euros por estudante, Abel Caballero chama ás familias a solicitar a axuda destinada aos escolares de Vigo que cursen Primaria, Secundaria, Formación Profesional Básica e Educación Especial en centros de fóra e dentro da cidade. “Non deixen de presentar a solicitude para a bolsa municipal de libros”, apelou o rexedor.
A tenente de alcalde, Elena Espinosa, participou hoxe na presentación do libro “Pasión por la Educación” de Francisco Michavila . O acto que tivo lugar no edificio Redeiras da Universidade de Vigo contou coa presencia do autor do libro; do reitor da UVIGO, Manuel Regiosa e do presidente do Consello Social , Ernesto Pedrosa.
O alcalde celebra que Vigo sexa a primeira cidade de España no coñecemento do inglés. Education First sitúa á cidade á cabeza, por riba da media do Estado, no coñecemento do idioma. Abel Caballero valorou positivamente que as novas xeracións sexan líderes na comunicación en inglés e puxo de manifesto a importancia que ten neste resultado que todos os nenos e nenas de Vigo gocen do programa municipal “Vigo en inglés” de inmersión lingüística no estranxeiro. “É importantísimo para o emprego, a economía e as relacións internacionais comerciais de Vigo”, afirmou.
O Pleno aprobou a moción socialista para instar ao goberno de Galicia á inversión necesaria para a mellora naqueles centros educativos públicos de Vigo que o precisen. Tamén pediu un plan de humanización para a estradas de titularidade autonómica.
Abel Caballero participou este xoves no acto simbólico de celebración de fin de 2023 organizado no CEIP Altamar. Dirixiuse aos escolares para desexarlles un bo 2024 e recomendarlles que aproveiten o tempo do estudo. O alcalde compartiu con toda a comunidade educativa do colexio o son e a conta atŕás das 12 badaladas coas que festexaron o inicio dun novo ciclo. Caballero tamén realizou unha visita o colexio Otero Pedrayo.