mércores, 25 mai 2022
O alcalde saudou esta mañá aos asistentes á sesión técnica organizada en Navalia para falar da transformación dixital como unha ferramenta para optimizar a eficiencia dos buques. Organizada conxuntamente pola Asociación de Enxeñeiros Navais e o Colexio de Enxeñeiros Navais e Oceánicos, a mesa redonda estaba dirixida a armadores, estaleiros ou fabricantes de equipos. Caballero comezou a súa intervención enfatizando a importancia da celebración de Navalia este ano porque “é unha explosión de optimismo para o sector”. Logo de reiterar que Vigo conta coa industria naval privada máis importante de España, destacou os “vigorosos” procesos de reindustralización que están a producirse neste territorio, referíndose, entre outros apoios, a demanda municipal dun PERTE para o naval.
venres, 20 mai 2022
O Auditorio Mar de Vigo acolleu este venres o II Foro Industrial de Fondos Europeos de Recuperación organizado por Asime coa participación de entidades, institucións e empresas abordando as estratexias da industria para a mobilización dos fondos europeos. No encontro, que contou coa intervención telemática da vicepresidenta primeira e ministra de Economía, Nadia Calviño, Abel Caballero eloxiou a capacidade demostrada por Asime no sector e avanzou que o Goberno de España traballa na inclusión de Stellantis nos proxectos da industria do automóbil. Amais, destacou a importancia da “cooperación total” para desenvolver os proxectos de dixitalización, dos Pertes, das accións nos sectores produtivos que se enmarcan nos fondos de recuperación.
martes, 10 mai 2022
O alcalde avanzou que a Vigo Film Office participará mañá mércores no Shooting In Spain Focus on USA, evento organizado por la Spain Film Commission e o ICEX. Sevilla reunirá ás principais produtoras de cine de Estados Unidos ante as que Vigo terá a oportunidade de expoñer as súas posibilidades como plató de cine.
venres, 29 abr 2022
O alcalde de Vigo achegouse esta mañá ao Museo do Mar para participar no peche das I Xornadas de Innovación Tecnolóxica do Sector da Industria Naval, organizadas pola Fundación SOERMAR, que este ano celebra o seu 20 aniversario. Durante o acto, no que eloxiou o labor do sector naval vigués e reiterou a seu peso económico, Caballero tivo a oportunidade de impoñer unha medalla condecorativa a Jesús Freire Pichín, recoñecendo a súa gran traxectoria profesional na industria naval.
mércores, 27 abr 2022
Abel Caballero participou esta mañá na entrega de premios dun concurso de monólogos organizado polo alumnado do CIFP Manuel Antonio. Durante a gala, ademais de felicitar aos estudantes pola iniciativa, louvou o “extraordinario” labor docente e formativa deste centro educativo.
luns, 11 abr 2022
Presentado este luns no Concello, o evento se celebrará no Mar de Vigo do 19 ao 21 de abril, unha cita que busca impulsar o talento das novas xeracións, desde os universitarios a estudantes de FP e oficios. Haberá mesas redondas, entrevistas e obradoiros, con presenza de compañías como Vogue Business, Aston Martin F1, Mad Lions e Mediapro.
venres, 1 abr 2022
O goberno local validou hoxe venres a oitava edición do obradoiro Vigo capacita, que -dotado con máis de medio millón de euros - permitirá contratar a 20 novos estudantes/traballadores que se formarán en cociña e restauración durante un año. Tamén aprobou a convocatoria de achegas á contratación, cun importe de 150.00 euros. O Concello continúa deste xeito coa promoción do emprego na cidade.
luns, 21 mar 2022
O alcalde di rozar “o 100% de éxito” xa que os que abandonan o programa “é fundamentalmente porque atopan un traballo que fai incompatible seguir cos cursos”
martes, 15 mar 2022
No marco da Conferencia de Presidentes, Abel Caballero expuxo a necesidade de que os sectores do naval e da automoción de Vigo conten cun PERTE “para cumprir as súas expectativas”.
xoves, 17 feb 2022
A Xunta de Goberno Local deu luz verde ao establecemento do comité técnico que levará adiante a tramitación e execución de tódolos fondos, dos que o Concello leva solicitado xa 27,5 millóns de euros.
