Abel Caballero afirmou “estar na liña da xeración de emprego” e puxo de manifesto a importancia das convocatorias que suman unha dotación económica de 296.722,45 euros.
O alcalde informou este luns da aprobación na Xunta de Goberno Local da convocatoria das axudas municipais á creación de empresas do ano 2021 e das axudas á contratación co fin de mellorar as condicións laborais e de contratación na cidade.
O alcalde deu conta esta mañá do encontro que mantivo con directivos de Alcampo en Vigo quen lle trasladou a súa previsión de abrir un novo supermercado no Centro Comercial Vialia. Os responsables deste grupo de distribución da cidade tamén lle avanzaron a súa intención de acometer obras de mellora nas instalacións xa operativas en Coia e na Avenida de Madrid.
No próximo Pleno darase luz verde á ordenanza das terrazas da cidade que inclúe, entre outros aspectos, a posibilidade de que ocupen zonas de aparcamento. Con esta regulación, en verbas do alcalde, o Concello deseña o “modelo máis favorable á hostalaría de toda España”.
A trixésima edición do Salón do Automóbil de Vigo desenvólvese no Ifevi dende este mércores 30 de xuño e ata o domingo 4 de xullo acollendo a presentación das novidades de máis de 30 marcas do motor. Durante a visita á montaxe do evento, o rexedor augurou un “gran salón, moi atractivo, no que coñecer os avances do sector”, na que será a “maior exposición comercial de motor de toda Galicia”. Amaia, agradeceulle aos expositores que, nestes momentos nos que estamos saíndo da pandemia, “estean presentes e sigan dinamizando a economía da cidade”.
O alcalde informou este martes da convocatoria pública para que as empresas interesadas presenten as súas propostas para a organización do Nadal na cidade. A previsión é que o venres se publiquen os pregos no BOP y no Portal de transparencia municipal.
Os dous primeiros anos deste cuarto mandato de Abel Caballero estiveron marcados pola pandemia á que o Concello fixo fronte cunha actuación integral, “respondendo á confianza que depositaron en nós os cidadáns”. Durante a presentación do balance de goberno, Caballero lembrou que o proxecto político que encabeza ten un apoio do 90% da cidadanía o que demostra que “Vigo marcha unido”. En todo caso e ao marxe da covid, estes dous anos tamén foron os da confirmación dos grandes proxectos pendentes na cidade como a saída sur, o AVE por Cerdedo ou a Biblioteca do Estado.
Abel Caballero visitou este martes a nova fábrica de Iberconsa Seafood Processing, situada no Molle de reparacións de Bouzas, onde puido achegarse ao traballo da empresa fundada en Vigo hai 40 anos.
O alcalde reivindicou na presentación de Mindtech a importancia de Vigo no pulso industrial de Galicia, destacando o seu potencial para optar á construción dunha fábrica de baterías. Durante a súa intervención, felicitou aos promotores desta feira internacional, “unha forma extraordinaria de entender o progreso para conseguir avances económicos”.
O Concello lanza o contrato por 243.000 euros e xa seleccionou os espazos que acollerán novas obras de arte na rúa. O alcalde recordou este xoves que o programa municipal, que conta xa con 133 murais, se complementa con actividades culturais ata case medio millón de euros.