O alcalde reunirase a semana que vén con representantes do sector para presentarlles o proxecto de ordenanza previsto polo Concello. A tramitación administrativa da norma comeza cun período de consulta pública de 20 días.
O rexedor mantivo un encontro coa xunta directiva de ASIME para informarlle dos mecanismos que rexerán a chegada de fondos europeos de recuperación económica. Caballero volveu criticar á Xunta por non compensar á hostalaría, ao pequeno comercio a aos autónomos cos máis de 400 millóns que recibiu do Goberno central para ese fin.
Abel Caballero fixo balance este luns do desenvolvemento deste programa municipal de reactivación económica e social dirixido a autónomos e micropemes no contexto da pandemia do Covid 19. O programa prestou asesoramento a 137 usuarios do programa na cidade contribuíndo á implantación de 240 medidas.
O Concello modificou o contrato para intensificar as tarefas de desinfección nas piscinas de Travesas, Lavadores, Teis e Valadares, para o que prevé adicar ata 76.000 euros máis. Abel Caballero insistiu en que debería custealo a Xunta, “que recibiu ducias de millóns do Goberno de España para estas funcións”.
A maioría da Corporación Municipal deu luz verde esta mañá a unha moción socialista que solicita ao Porto a paralización de calquera iniciativa que supoña novos recheos na ría de Vigo. A concelleira de Urbanismo, María Xosé Caride, reclamou ademais a elaboración dun plan axeitado para reubicar instalacións e optimizar o uso do espazo portuario.
O alcalde insta á Xunta de Galicia a que envíe os recursos que corresponden á cidade para "levar adiante o modelo Valencia na súa totalidade", complementando os recursos cos do Concello e seguindo o criterio de distribución aplicado nesa comunidade autónoma.
A Escola Universitaria de Estudos Empresariais de Vigo celebrou este venres o acto inaugural de celebración do seu centenario no que participou Abel Caballero, xunto ao reitor da Universidade, Manuel Reigosa, e á directora do centro, Consuelo Currás, e no que descubriron unha placa conmemorativa do aniversario.
Nin o Concello nin os membros do Padroado do Ifevi coñecen o proxecto da Xunta que prevé construír un módulo deportivo no recinto feiral. Por tanto, varios membros do órgano reitor solicitan por carta ao Conselleiro de Economía unha reunión urxente na que esixirán coñecer esta iniciativa ademais de solicitar unha vez máis a entrada da Zona Franca no Padroado.
Este programa municipal de emprego está dotado con 2,1 millóns de euros, dos que unha parte proceden de fondos europeos. Os alumnos con rendas iguais ou inferiores ao 75% do IPREM recibirán un apoio de económico de case 300 euros mensuais.
No último semestre de 2020, os 42 traballadores do programa realizaron 2.922 acompañamentos e visitas ás persoas usuarias do servizo que presta o Concello de xeito gratuíto e efectuaron 13.595 actuacións informativas á veciñanza na rúa.