martes, 12 xan 2021
O alcalde reiterou esta mañá que o Concello segue sen coñecer o proxecto modificado de ampliación do recinto feiral que prevé executar a Xunta e que, segundo vén de anunciar, inclúe un módulo deportivo. A concelleira de Urbanismo, María Xosé Caride, enviou unha carta á Consellería de Economía reclamando o proxecto definitivo para comprobar que se cumpre a normativa xa que a expropiación podería correr perigo ao realizarse en base a uns fins que agora poderían verse mudados.
martes, 29 dec 2020
A través do programa Vigoemprende, o goberno municipal pon a disposición do sector hostaleiro un servizo de asesoramento e xestión gratuíto para que poidan acceder ás axudas do Goberno de España.
mércores, 23 dec 2020
A Xunta de Goberno Local deu luz verde á posta en marcha do programa municipal para arrumbar medianeiras e outros elementos verticais con incidencia sobre a vía pública ao abeiro do cal xa se realizaron 133 murais na cidade.
xoves, 17 dec 2020
Abel Caballero asistiu este xoves, xunto ao delegado de Zona Franca, David Regades á inauguración do restaurante Milongas Parrillada no centro comercial A Laxe, que inicia a súa actividade en Vigo cun equipo de 15 persoas. O rexedor visitou o espazo, situado na área de restauración na segunda planta do centro, e trasladoulle os seus parabéns aos responsables de Milongas pola súa iniciativa empresarial tamén en tempos de pandemia.
luns, 14 dec 2020
A Xunta de Goberno Local vén de aprobar a contratación do servizo de deseño e produción das carrozas escenario municipais da cabalgata estática de 2021 que se celebrará na Avenida de Castelao.
venres, 11 dec 2020
Abel Caballero deu conta esta mañá dunha subvención de 75.000 euros para que FEPROHOS contrate a 15 controladores que se encargarán de garantir a seguridade Covid na hostalería da cidade. A misión destes profesionais será informar a empresarios e clientela sobre procedementos acordes á normativa sanitaria.
mércores, 9 dec 2020
O Concello apoiará o congreso que Navalia organizará en xullo de 2021, no Auditorio Mar de Vigo. En declaracións aos medios, Caballero avanzou ademais a posibilidade de convocar a este evento ás cidades españolas con peso neste sector industrial.
luns, 7 dec 2020
Abel Caballero advertiu unha vez máis de que se a ampliación do Ifevi non está lista para a próxima edición de Conxemar, a única culpable será a Xunta de Galicia dado que poido ter iniciado hai dous meses o proceso de licitación das obras -condicionado á disposición do solo -. De telo feito así, os traballos poderían comezar ao día seguinte do acto de levantamento de actas previas á ocupación para a expropiación dos bens e dereitos, convocado para o 11 de decembro polo Concello de Vigo.
martes, 1 dec 2020
Abel Caballero reiterou esta mañá a vontade do goberno local de non aplicar a orde da Xunta que obrigaría a botar á rúa aos usuarios dos albergues que leven pernoctando máis de dez días. Coas instalacións de Marqués de Valterra e da Fundación Santa Cruz ao 100% da súa capacidade, o Concello aloxa a outras 29 persoas sen teito en hoteles ou hostais da cidade.
venres, 27 nov 2020
A Xunta de Goberno Local do Concello de Vigo aprobou este xoves as bases para seleccionar ao equipo directivo e aos alumnos-traballadores do obradoiro de emprego “Vigo Capacita VI”. O importe total é de 421.947 euros e todos os seleccionados saen das listas do INEM.
