"Hoxe aquí, ao carón do océano Atlántico, o Deus Neptuno permitiunos recibir a unha encantadora criatura chegada do mar, que é o referente simbólico da nosa cidade". Con estas verbas presentou esta mañá o tenente de alcalde e concelleiro de Turismo de Vigo, Santi Domínguez, a Oli, mascota do Campionato de Mundo de hóckey a patíns.
O concelleiro de Deportes e presidente da Fundación Vide, Xabier Alonso, anunciou hoxe que a inscrición de 193 equipos na IX Vigo Cup (29 de xuño ao 5 de xullo) converte a proba na segunda de máis participación da historia do campionato, que comezou no 2001. A inscrición é só dun equipo menos que na mellor edición, a de 2004, o que significa, según o nacionalista, "que en VIDE a xerente está facendo as cousas ben e que este non é un trofeo máis de verán senón un referente".
O campo de herba sintética das Travesas acollerá esta fin de semana, 20 e 21 de xuño o VIII Trofeo Internacional Cidade de Vigo de Hóckey Herba, coa participación de catro clubes na modalidade masculina e dous na feminina. Ademais, o torneo completarase coa celebración de actividades paralelas dirixidas aos deportistas máis novos, nas que participarán arredor de 100 rapaces e rapazas de 5 a 12 anos.
O O Campionato do Mundo de Hóckey sobre Patíns, que terá lugar dos días 4 ao 11 de xullo en Vigo e Pontevedra, comezou a rodar hoxe coa celebración da última reunión do Comité Organizador e a posterior rolda de prensa de presentación do evento. Na xuntanza aprobouse os prezos das entradas, que se porán a venda a partir do vindeiro martes.<br />
O concelleiro de Deportes, Xabier Alonso, anunciou este xoves que preto de 200 deportistas participarán no Campionato Galego de Natación Alevín que se celebrará os vindeiros 6 e 7 de xuño na piscina municipal do Carme. Segundo destacou o concelleiro, a celebración desta proba en Vigo reflicte unha vez máis a aposta da Concellería de Deportes polo deporte de base.
O tenente de alcalde, Santi Domínguez, garantíu este martes aos responsables da Liga Asobal que a Copa do Rei de Balonmán que se celebrará en Vigo nos meses de marzo e abril de 2011 "será un éxito deportivo e de público asegurado". O tenente de alcalde así o afirmou tras a sinatura do convenio para a celebración na cidade da XXXVI Copa do Rei de Balonmán, na que tamén participou o presidente da Liga Asobal, Javier Zuriarrain, o concelleiro de Deportes, Xabier Alonso, e o xerente de Asobal, Jordi Pallarés.
O concelleiro de Deportes, Xabier Alonso, anunciou este venres que o pavillón de Teis acollerá mañá, a partir das 16.30 horas, o VIII Torneo de Loita Olímpica San Ignacio e a homenaxe aos loitadores galegos, no que participarán equipos de toda a Península. Na presentación do torneo, o edil do BNG salientou a importancia de que os deportistas máis novos "teñan preto referentes nos que poder reflectirse".<br /> <br />
A selección española senior de baloncesto feminino xogará este sábado, ás 20.00 horas, no pavillón central das Travesas fronte a Cuba en partido amigable de preparación para o Campionato de Europa, que se xogará do 7 ao 20 do vindeiro xuño en Riga (Letonia). A Tenencia de Alcaldía e a Concellería de Deportes patrocinan o encontro, con entrada gratuíta e que serve tamén ao Concello para recoñecer 40 anos do Celta no baloncesto nacional.<br />
Sechu López, montañeiro vigués de 43 anos, atacará este verán dous do catorce "oitomiles" existentes. Para iso voará dende Vigo o vindeiro 19 de xuño a Islamabad (Paquistán), onde continuará ata o macizo dos Gasherbrum, na cordilleira do Karakorum, na cara sur ao lado paquistaní, fronteirizo con China.<br />
O concelleiro de Deportes, Xabier Alonso expresou os seus parabéns ao equipo de cadetes do Gestibérica, que veñen de proclamarse campións galegos na súa categoría. No trancurso dunha recepción na Concellería de Deportes, o edil animounos a seguir traballando para potenciar o deporte vigués e agasallou ao equipo co libro "Vigo nas ondas".